blood_drone_johns_hopkins

രക്തമെത്തിക്കാൻ ഇനി ഡ്രോണും രംഗത്തിറങ്ങും

അപകടങ്ങൾ നടക്കുമ്പോൾ പരിക്കേറ്റ പലർക്കും കൃത്യസമയത്ത് രക്തം ലഭിക്കാതെ ചോരവാര്‍ന്ന് മരിക്കുന്നത് നിത്യ സംഭവമാണ്. ഇത്തരക്കാര്‍ക്ക് കൃത്യസമയത്ത് രക്തം നല്‍കാനായാല്‍ ഒരുപക്ഷേ നിരവധി ജീവനുകള്‍ രക്ഷിക്കാനായേക്കും.  പ്രകൃതി ദുരന്തങ്ങൾ ,വലിയ അപകടങ്ങൾ എന്നിവ നടക്കുമ്പോൾ പരിക്കേറ്റവർക്ക് രക്തം റോ‍ഡ് മാർഗം എത്തിക്കുക എന്നത് രക്ഷാപ്രവർത്തകർക്ക് ഏറെ വെല്ലുവിളികൾ നിറഞ്ഞതാണ്.ഇത്തരം സാഹചര്യങ്ങളിൽ രക്ഷകനായി ഡ്രോൺ ഉപയോഗിക്കാമെന്ന് ഗവേഷക‌ർ പറയുന്നു.

പാക്കറ്റുകളിലാക്കിയ രക്തം, പ്ളാസ്മ എന്നിവ പ്രത്യേക ശീതീകരണ സംവിധാനമുള്ള  ബാഗുകളിൽ ആക്കി  കേടുകൂടാതെ സൂക്ഷിക്കാനാകുന്ന സാങ്കേതിക വിദ്യ അമേരിക്കയിലെ ജോൺ ഹോപ്കിന്‍സ് സർവ്വകലാശാലയിലെ ഗവേഷകരാണ് കണ്ടത്തിയത് . ഡ്രോണിൽ കാമറ ഘടിപ്പിക്കാനുള്ള സ്ഥലത്ത് ഈ ബാഗുകൾ വെയ്ക്കാനാകും . വിദൂര നിയന്ത്രണ സംവിധാനത്തിലൂടെ ഡ്രോണുകൾക്ക് 13 മുതൽ 20 കിലോമാറ്റർ വരെ സ‍ഞ്ചരിക്കാനാകും . ഈ ദൂരം സഞ്ചരിക്കാൻ ഡ്രോണിന് പരമാവധി 25 മിനിറ്റ് മതി. അപകടസ്ഥലത്ത് വെച്ച് ഡോക്ടര്‍ക്ക് കൃത്യമായി രക്തപരിശോധനകള്‍ നടത്താന്‍ കഴിഞ്ഞാല്‍ ആവശ്യമായ രക്തം മിനിട്ടുകള്‍ക്ക് അകം സ്ഥലത്തെത്തിക്കാന്‍ ആകും.

രക്തത്തിന്‍റെ താപനിലയില്‍  വ്യതിയാനം സംഭവിക്കാതെ  സൂക്ഷിക്കാനാവശ്യമായ സംവിധാനം ഒരുക്കാൻ വലിയ മുതൽ മുടക്ക് വേണ്ടിവരും .ഈ ഡ്രോൺ സാങ്കേതിക വിദ്യ നമുക്കും നേടാനായാൽ വിലപ്പെട്ട ഒരുപാട് ജീവനുകൾ രക്ഷിക്കാനാകും

നിങ്ങളുടെ അഭിപ്രായങ്ങള്‍ രേഖപ്പെടുത്തൂ

Leave a Reply

Your email address will not be published. Required fields are marked *