കൊല്ലത്ത് സ്കൂള് കെട്ടിടത്തിന് മുകളില് നിന്ന് ചാടി വിദ്യാര്ഥിനി മരിച്ച സംഭവത്തില് മുന്കൂര് ജാമ്യം തേടി അധ്യാപികമാര് ഹൈക്കോടതിയിലേക്ക്. സിന്ധു, ക്രസന്റ് എന്നീ അധ്യാപികമാരാണ് മുന്കൂര് ജാമ്യം തേടുന്നത്. ഇരുവരും ഹൈക്കോടതിയില് ഇന്ന് ഹര്ജി സമര്പ്പിക്കും.
ട്രിനിറ്റി ലൈസിയം സ്കൂളിലെ പത്താംക്ലാസ് വിദ്യാര്ഥിനിയായ ഗൗരി തിരുവനന്തപുരത്തെ സ്വകാര്യ ആശുപത്രിയില് ഇന്നലെ പുലര്ച്ചെ 2 മണിയോടെയാണ് മരിച്ചത്. വെള്ളിയാഴ്ചയാണ് കുട്ടി സ്കൂള് കെട്ടിടത്തില് നിന്നും എടുത്ത് ചാടിയത്. തലയ്ക്കും നട്ടെല്ലിനും പൊട്ടലേറ്റ കുട്ടിക്ക് ബോധം തിരിച്ചുകിട്ടിയിരുന്നില്ല. സംഭവത്തില് സിന്ധുവിനും ക്രെസന്റിനുമെതിരെ ആത്മഹത്യാ പ്രേരണക്കുറ്റം ചുമത്തി കേസെടുത്തിരുന്നു. പെണ്കുട്ടിയുടെ പിതാവിന്റെ മൊഴി രേഖപ്പെടുത്തിയശേഷമാണ് പൊലീസ് കേസ് രജിസ്റ്റര് ചെയ്തതത്. രണ്ട് അധ്യാപികമാരും കുട്ടിയെ മാനസികമായി പീഡിപ്പിച്ചെന്നാണ് പെണ്കുട്ടിയുടെ പിതാവ് മൊഴി നല്കിയത്.
ഇതേസ്കൂളില് എട്ടാംക്ലാസില് പഠിക്കുന്ന ഇളയ സഹോദരിയെ ക്ലാസില് സംസാരിച്ചതിന് ക്രെസന്റ് എന്ന അധ്യാപിക ആണ്കുട്ടികള്ക്കിടയില് ഇരുത്തിയിരുന്നു. ഇത് വീട്ടില് അറിയിച്ചതിനെത്തുടര്ന്ന് വീട്ടുകാര് സ്കൂളിലെത്തുകയും പ്രശ്നം പരിഹരിക്കുകയും ചെയ്തു. എന്നാല് സമാന സംഭവം പിന്നീടുമുണ്ടായതോടെ അനിയത്തി ചേച്ചിയെ വിവരമറിയിച്ചു.
കുട്ടികള് കളിയാക്കിയത് ചോദ്യംചെയ്യാനെത്തിയ പെണ്കുട്ടിയും അനിയത്തിയും, മറ്റുകുട്ടികളുമായി വാക്കുതര്ക്കമുണ്ടാവുകയും ഇതേക്കുറിച്ച് അധ്യാപികമാര് വിളിച്ച് വിവരം അന്വേഷിക്കുകയുമായിരുന്നു. അധ്യാപികമാര് ചോദ്യംചെയ്തതിലുള്ള മനോവിഷമത്തിലാണ് കുട്ടി താഴേക്ക് ചാടിയതെന്നാണ് പിതാവ് പൊലീസിന് മൊഴി നല്കിയത്.
അതേസമയം ഗൗരിക്ക് ചികിത്സാ നിഷേധമുണ്ടായെന്ന് പൊലീസ് പറയുന്നു. ആദ്യം എത്തിച്ച കൊല്ലത്തെ ബെന്സിഗര് ആശുപത്രിയിലാണ് ചികിത്സ നിഷേധിച്ചത്. ബെന്സിഗര് ആശുപത്രിയിലെ രേഖകള് പൊലീസ് പിടിച്ചെടുത്തു. കുട്ടിയ്ക്ക് ഫലപ്രദമായ ചികില്സ നല്കിയില്ലെന്ന ബന്ധുക്കളുടെ പരാതിയെ തുടര്ന്നാണു രേഖകള് പിടിച്ചെടുത്തത്. പെണ്കുട്ടിയെ ചികില്സിച്ച ഡോ.ജയകുമാറിനെ പൊലീസ് ചോദ്യം ചെയ്തു. സ്കൂള് മാനേജ്മെന്റിന്റെ ഉടമസ്ഥതതയിലുള്ളതാണ് ആശുപത്രി.