Home Cover story അമ്മയുടെ ഓർമയിൽ വൃദ്ധസദനത്തിലെ അമ്മമാർക്കൊപ്പം ജാൻവിയുടെ പിറന്നാൾ ആഘോഷം
അമ്മ ശ്രീദേവിയുടെ ഓർമയിൽ ജാൻവി കപൂർ തന്‍റെ ഇരുപത്തിയൊന്നാം പിറന്നാൾ ആഘോഷിച്ചത് വൃദ്ധസദനത്തിൽ. മക്കൾ ഉപേക്ഷിച്ച് ഒരു കൂരയ്ക്കുള്ളിൽ കഴിയുന്ന ഒരുപാട് അമ്മമാർക്കൊപ്പം ജാൻവി തന്‍റെ ജീവിതത്തിലെ പ്രധാനദിനം ആഘോഷിക്കാൻ തെരഞ്ഞെടുത്തപ്പോൾ വ്യക്തമാകുന്നത് ശ്രീദേവി പകർന്നു നൽകിയ ഒരുപിടി നന്മകൾ ജാൻവിയിൽ പ്രതിഫലിക്കുന്നുവെന്നാണ്. വൃദ്ധസദനത്തിലെ അംഗങ്ങൾ പിറന്നാൾ ആശംസാഗാനങ്ങൾ ആലപിക്കുന്പോൾ അവർക്കൊപ്പം നിന്ന് കൈയടിക്കുന്ന ജാൻവിയുടെ ചിത്രങ്ങൾ സോഷ്യൽ മീഡിയയിൽ നിറയുകയാണ്.
ഇരുപതാം പിറന്നാളിന് ജാൻവിയുടെ കുട്ടിക്കാലത്തെ ചിത്രങ്ങൾ ചേർത്തുവെച്ച് “എന്‍റെ മാലാഖയ്ക്ക് ലോകത്ത് എന്‍റെ ഏറ്റവും വിലപ്പെട്ട പിറന്നാൾ ആശംസകൾ’ എന്ന് ശ്രീദേവി സോഷ്യൽമീഡിയായിൽ കുറിച്ചിരുന്നു. മാത്രമല്ല ഇത് സോഷ്യൽമീഡിയായിൽ ഏറെ ശ്രദ്ധ നേടുകയും ചെയ്തിരുന്നു.
സോനം കപൂർ ആണ് ജാൻവിക്ക് ആശംസകൾ നേർന്ന് ആദ്യം രംഗത്തെത്തിയത്. ഞാൻ കണ്ടിട്ടുള്ളതിൽ ഏറ്റവും കരുത്തയായ പെണ്‍കുട്ടിയാണ് ജാൻവിയെന്നാണ് സോനം ഇവരെ വിശേഷിപ്പിച്ചത്
