തിരുവനന്തപുരം: അമ്പൂരിൽ രാഖിയെന്ന യുവതിയുടെ കൊലപാതകത്തിൽ രണ്ടാം പ്രതി അറസ്റ്റിൽ. രാഖി പ്രണയത്തിലായിരുന്ന സൈനികൻ അഖിലിൻറെ സഹോദരൻ രാഹുലാണ് അറ്സ്റ്റിലായത്. ഒന്നാം പ്രതി അഖിലിനായുള്ളതെരച്ചിൽ തുടരുന്നു.നെയ്യാറ്റിന്കര ബസ് സ്റ്റാന്ഡില് നിന്നാണ് രാഖിയെ കാറിയല് കയറ്റി വീട്ടിലേക്ക് കൊണ്ടുവന്നത്. ആദ്യം വാഹനം ഓടിച്ചിരുന്നത് അഖിലാണ്. വിവാഹത്തെച്ചൊല്ലി വാക്കുതര്ക്കമുണ്ടായതോടെ വാഹനം നിര്ത്തി അഖില് പിന്സീറ്റിലേക്ക് പോയി. പിന്നെ താന് വാഹനം ഓടിച്ചു.
ഇതിനിടെ, മുന്സീറ്റിലിരുന്ന രാഖിയുടെ കഴുത്ത് അഖില് ഞെരിച്ചു. അമ്പൂരിയിലെ വീട്ടിലെത്തിയ ശേഷം കയറുകൊണ്ട് കഴുത്ത് ഞെരിച്ച് രാഖിയുടെ മരണം ഉറപ്പാക്കിയത് താനാണ്. രാഖിയുടെ വസ്ത്രങ്ങളും മൊബൈലും പല സ്ഥലങ്ങളിലായി ഉപേക്ഷിച്ചെന്നും രാഹുല് പൊലീസിനോട് പറഞ്ഞു. രാഖിയും അഖിലും ഫ്രെബുവരിയിൽ എറണാകുളത്തെ ഒരു ക്ഷേത്രത്തിൽ വച്ച് വിവാഹിതരായെന്ന്, കേസിലെ മൂന്നാം പ്രതിയും പ്രതികളായ സഹോദരൻമാരുടെ അയൽക്കാരനുമായ ആദർശിൻറെ റിമാൻഡ് റിപ്പോർട്ടിൽ, പൊലീസ് പറയുന്നു. ഇതിനുശേഷം മറ്റൊരു വിവാഹത്തിന് അഖിൽ ശ്രമിച്ചത് തടഞ്ഞപ്പോഴാണ് കൊലപാതകം നടത്തിയതെന്നാണ് പൊലീസ് കണ്ടെത്തൽ. രാഖിയുടെ മൃതദേഹത്തിൽ നിന്നും താലിയും കണ്ടെത്തിയിരുന്നു.