ആറ്റ്ലി സംവിധാനം ചെയ്യുന്ന ഏറ്റവും പുതിയ ചിത്രമാണ് ‘ബിഗില്’. ചിത്രത്തിലെ ആദ്യ വീഡിയോ ഗാനം പുറത്ത് വിട്ടു. വിജയ് നായകനാവുന്ന 63-ാമത്തെ ചിത്രം കൂടിയാണിത്. ചിത്രത്തില് വനിതാ ഫുട്ബോള് ടീമിന്റെ കോച്ചിന്റെ വേഷത്തിലാണ് വിജയ് എത്തുന്നത്.
എ.ആര് റഹ്മാന് ആണ് ചിത്രത്തിന് വേണ്ടി സംഗീതം ഒരുക്കിയിരിക്കുന്നത്. ലേഡി സൂപ്പര്സ്റ്റാര് നയന്താര നായികയായി എത്തുന്ന ചിത്രത്തില് ആനന്ദരാജ്, യോഗി ബാബു, കതിര്, ഡാനിയേല് ബാലാജി തുടങ്ങിയവരാണ് മറ്റ് താരങ്ങള്.
ജി.കെ. വിഷ്ണു ആണ് ചിത്രത്തിന്റെ ഛായാഗ്രഹണം, എജിഎസ് എന്റര്ടെയിന്മെന്റിന്റെ ബാനറില് കലാപതി എസ്. ഗണേഷ്, കലാപതി എസ്. സുരേഷ് എന്നിവര് ചേര്ന്നാണ് ചിത്രം നിര്മിക്കുന്നത്.