ന്യൂഡല്ഹി: മരടിലെ അനധികൃത ഫ്ളാറ്റുകള് പൊളിച്ചു നീക്കുന്നതിനെതിരെയുള്ള ഹര്ജി അടിയന്തരമായി പരിഗണിക്കണമെന്ന ആവിശ്യം സുപ്രീംകോടതി തള്ളി.
മരട് ഹര്ജി അടിയന്തരമായി പരിഗണിക്കണമെന്നും പരിസ്ഥിതി ആഘാത പഠനം നടത്തണമെന്നുമുള്ള ആവശ്യങ്ങള് ഉടനെ തന്നെ പരിഗണിക്കാന് സാധിക്കില്ലെന്നാണ് സുപ്രീംകോടതി അറിയിച്ചിരിക്കുന്നത്.
ഫ്ളാറ്റുകള്ക്ക് സമീപം താമസിക്കുന്ന അഭിലാഷ് എം.ജി എന്ന ആളാണ് സുപ്രീംകോടതിയില് റിട്ട് ഹര്ജി നല്കിയിരുന്നത്. ഫ്ളാറ്റുകള് പൊളിക്കുമ്പോഴുള്ള മാലിന്യം എന്തു ചെയ്യുമെന്ന കാര്യത്തില് വ്യക്തമായ ധാരണയില്ലെന്നും, മാലിന്യങ്ങള് സംസ്കരിക്കുന്നത് പരിസ്ഥിതിക്ക് കോട്ടം വരുത്തുന്ന വിധത്തിലാകുമോ എന്ന് പരിശോധിക്കേണ്ടതുണ്ടെന്നുമാണ് ഹര്ജിയില് ചൂണ്ടിക്കാട്ടിയത്.
അതിനാല് വിദഗ്ധ ഏജന്സിയെ കൊണ്ട് പരിസ്ഥിതി ആഘാതപഠനം നടത്തണമെന്നാണ് ഹര്ജിക്കാരന് ആവശ്യപ്പെട്ടിരിക്കുന്നത്.