കൊച്ചി: ഉപതെരഞ്ഞെടുപ്പ് പ്രഖ്യാപിച്ചിരിക്കുന്ന കോന്നിയിലോ മഞ്ചേശ്വരത്തോ കെ.സുരേന്ദ്രന് മത്സരിക്കണമെന്ന് ബിജെപി സംസ്ഥാന സമിതി യോഗത്തില്‍ ആവശ്യം. എന്നാല്‍, ഉപതെരഞ്ഞെടുപ്പില്‍ മത്സരിക്കാനില്ലെന്ന് വ്യക്തമാക്കിയ സുരേന്ദ്രന് സംസ്ഥാന സമിതി യോഗം തീരും മുമ്പേ മടങ്ങുകും ചെയ്തു.
കഴിഞ്ഞ നിയമസഭാ തെരഞ്ഞെടുപ്പില്‍ 89 വോട്ടുകള്‍ക്കാണ് സുരേന്ദ്രന് മഞ്ചേശ്വരത്ത് പരാജയപ്പെട്ടത്. കഴിഞ്ഞ ലോക്‌സഭാ തെരഞ്ഞെടുപ്പില്‍ പത്തനംതിട്ട ലോക്‌സഭാ മണ്ഡലത്തിന്റെ ഭാഗമായ കോന്നിയില്‍ 28,000 ത്തോളം വോട്ടുകള്‍ സമാഹരിക്കാനും സുരേന്ദ്രന് സാധിച്ചു.
ഈ സാഹചര്യത്തില്‍ സുരേന്ദ്രനെ മത്സരിപ്പിക്കുവാനായിരുന്നു പാര്‍ട്ടിയുടെ തീരുമാനം. എന്നാല്‍ മത്സരിക്കണമെന്ന ആവശ്യത്തെ തള്ളിക്കൊണ്ട് കോന്നിയിലോ മഞ്ചേശ്വരത്തോ അല്ല ഈ ഉപതെരഞ്ഞെടുപ്പില്‍ ഒരു മണ്ഡലത്തിലും മത്സരിക്കാന്‍ താനില്ലെന്നും സുരേന്ദ്രന് വ്യക്തമാക്കി.
