വാഷിങ്ടണ്‍: ലോകരാജ്യങ്ങളെ ഭീതിയിലാഴ്ത്തി കൊറോണ വൈറസ് പടര്‍ന്ന് പിടിക്കുകയാണ്. ഈ സന്ദര്‍ഭത്തില്‍ വൈറസ് ബാധ ഏറ്റവും കൂടുതലായി ബാധിച്ചിരിക്കുന്നത് അമേരിക്കയേയാണ്. ഈ അവസരത്തില്‍ ഇന്ത്യയോട് സഹായം അഭ്യര്‍ത്ഥിച്ച് പ്രസിഡന്റ് ഡോണള്‍ഡ് ട്രംപ്.
കൊറോണ ചികിത്സയ്ക്കായി മലേറിയ മരുന്നുകള്‍ നല്‍കണമെന്ന് പ്രധാനമന്ത്രി നരേന്ദ്ര മോദിയോട് ട്രംപ് അഭ്യര്‍ത്ഥിച്ചു. മലേറിയ ചികിത്സക്കുപയോഗിക്കുന്ന ഹൈഡ്രോക്‌സിക്ലോറോക്വിന്‍ എന്ന മരുന്നിന്റെ ഗുളികകള്‍ കയറ്റുമതി ചെയ്യുന്നതിന് ഇന്ത്യ വിലക്കേര്‍പ്പെടുത്തിയിരിക്കുകയാണ്. ഇതേതുടര്‍ന്നാണ് ട്രംപിന്റെ അഭ്യര്‍ത്ഥന.
