കുവൈത്ത് സിറ്റി: കുവൈത്തില്‍നിന്ന് ഇന്ത്യയിലേക്ക് ചാര്‍ട്ടര്‍ വിമാന സര്‍വീസ് തുടങ്ങി. ആദ്യ വിമാനമായി എന്‍.എസ്.എച്ച്‌ കമ്ബനി തൊഴിലാളികളുമായി ഇന്‍ഡിഗോ വിമാനം യാത്രയായി. ഇവരുടെ മൂന്ന് വിമാനങ്ങള്‍ ബുധനാഴ്ച സര്‍വീസ് നടത്തി. ആദ്യവിമാനം രാവിലെ 9.30ന് തിരുവനന്തപുരത്തേക്കും രണ്ടാം വിമാനം 10.30നും ലക്നോവിലേക്കുമായിരുന്നു. മൂന്നാമത്തെ വിമാനം ഉച്ചക്ക് രണ്ടരക്ക് ലക്നോവിലേക്ക് പറന്നു. സീസേഴ്സ് ട്രാവല്‍സാണ് സര്‍വീസ് ഒാപറേറ്റ് ചെയ്തത്. ഒാരോ വിമാനത്തിലും 164 വീതം യാത്രക്കാരുണ്ടായിരുന്നു.
