ന്യൂയോര്‍ക്ക് : അമേരിക്കയില്‍ കോവിഡ് മരണനിരക്ക് 1.16 ലക്ഷത്തിലേക്ക് കടക്കുന്നു . ദിനംപ്രതി നൂറുകണക്കിന് ആളുകളാണ് രാജ്യത്ത് കോവിഡ് ബാധിച്ച്‌ മരണപ്പെടുന്നത് . ഇന്നലെ 862 പേര്‍ക്കാണ് അമേരിക്കയില്‍ കോവിഡ് ബാധിച്ചതിനെ തുടര്‍ന്ന് ജീവന്‍ നഷ്ടമായത്. ഇതോടെ രാജ്യത്ത് കോവിഡ് ബാധിച്ച്‌ മരിച്ചവരുടെ എണ്ണം 1,15,992 ആയി.
അമേരിക്കയില്‍ ഇന്നലെ 21,609 പുതിയ കോവിഡ് കേസുകളാണ് റിപ്പോര്‍ട്ട് ചെയ്തത് . ഇതോടെ രാജ്യത്തെ കോവിഡ് ബാധിതരുടെ എണ്ണം 20,88,010 ആയി വര്‍ധിച്ചു . രാജ്യത്ത് ഇതുവരെ 8,13,497 പേരാണ് രോഗമുക്തി നേടിയത് . 11,58,521 പേര്‍ ഇപ്പോഴും ചികിത്സയിലാണ് . അമേരിക്കയില്‍ ന്യൂയോര്‍ക്ക് നഗരത്തിലാണ് കൂടുതല്‍ ആളുകള്‍ കോവിഡ് ബാധിച്ച്‌ മരിച്ചത് . 30,739 പേരാണ് ഇവിടെ മാത്രം മരണപ്പെട്ടത് . 4,02,019 പേര്‍ക്ക് ന്യൂയോര്‍ക്കില്‍ കോവിഡ് 19 സ്ഥിരീകരിച്ചു .
