കൊച്ചി: സ്വര്ണക്കടത്തുമായി ബന്ധമില്ലെന്നും ഇതിനായി പണം സമാഹരിച്ചതിനോ, സംവിധാനമൊരുക്കിയതിലോ പങ്കില്ലെന്നും ജാമ്യാപേക്ഷയില് സ്വപ്ന സുരേഷ്. കേസില് രാഷ്ട്രീയ നേട്ടത്തിനായി തന്നെ ബലിയാടാക്കുകയാണെന്നും ജാമ്യാപേക്ഷയില് സ്വപ്ന പറയുന്നു. കേന്ദ്ര-സംസ്ഥാന സര്ക്കാരുകള് തമ്മിലുള്ള തര്ക്കത്തിലാണ് കേസില് എന്ഐഎ അന്വേഷണം വന്നത്.
കൊച്ചിയിലെ പ്രത്യേക എന്ഐഎ കോടതിയിലാണ് ജാമ്യഹര്ജി സമര്പ്പിച്ചിരിക്കുന്നത്. സംസ്ഥാന – കേന്ദ്ര സര്ക്കാരുകള് തമ്മിലുള്ള രാഷ്ട്രീയ യുദ്ധത്തിന്റെ ഭാഗമായാണ് കേസില് എന്ഐഎ അന്വഷണം വന്നതെന്നതാണ് ഹര്ജിയിലെ പ്രധാന വാദം. കേസില് തനിക്കെതിരേ തീവ്രവാദ ബന്ധം ഉന്നയിക്കാനാകില്ലെന്നും ജാമ്യഹര്ജിയില് സ്വപ്ന ചൂണ്ടിക്കാട്ടുന്നു.