കൊല്ക്കത്ത: ബംഗാളില് ബിജെപി നേതാവ് മനീഷ് ശുക്ല വെടിയേറ്റ് മരിച്ചു. പൊലീസ് സ്റ്റേഷന് പരിസരത്ത് പ്രാദേശിക പാര്ട്ടി നേതാക്കളുമായി സംസാരിച്ചു നില്ക്കുമ്പോഴാണ് വെടിയേറ്റത്. ടീടാഗഢ് മുനിസിപ്പല് കൗണ്സിലറാണ് മനീഷ് ശുക്ല. സംഭവത്തെ തുടര്ന്ന് ബരാക്ക്പുര് മേഖലയില് 12 മണിക്കൂര് ബന്ദിന് ആഹ്വാനം ചെയ്തിട്ടുണ്ട്. തൃണമൂല് കോണ്ഗ്രസ്സാണ് ആക്രമണത്തിന് പിന്നിലെന്നാണ് ബിജെപി ആരോപണം.
എന്നാല് തൃണമൂല് കോണ്ഗ്രസ് ആരോപണം നിഷേധിച്ചു. ബിജെപിക്കുള്ളിലെ പോരാണ് കൊലയില് കലാശിച്ചതെന്നും തൃണമൂലിന് ഇതില് പങ്കില്ലെന്നും അവര് അറിയിച്ചു. മോട്ടോര് സൈക്കിളിലെത്തിയ ഒരു സംഘമാളുകള് ബാരക്പുര് ജില്ലാ കമ്മിറ്റി അംഗവും മുന് കൗണ്സിലറുമായ മനീഷ് ശുക്ലയുടെ നേര്ക്ക് വെടിയുതിര്ക്കുകയായിരുന്നു എന്നാണ് ദൃക്സാക്ഷികള് പറയുന്നത്.തലയിലും നെഞ്ചിലും പുറകിലും വെടിയേറ്റ ഇയാളെ ആദ്യം ബാരക്പുരിലെ സ്വകാര്യ ആശുപത്രിയിലും പിന്നീട് കൊല്ക്കത്തയിലും എത്തിച്ചെങ്കിലും മരിച്ചു.