കോട്ടയം: കേരള കോണ്ഗ്രസ് (എം) ചെയര്മാന് ജോസ് കെ.മാണി രാജ്യസഭ എം.പി സ്ഥാനം രാജിവച്ചു. രാജിക്കത്ത് ജോസ് കെ മാണി രാഷ്ട്രപതിക്ക് കൈമാറി. യു.ഡി.എഫ് വിട്ട് എല്.ഡി.എഫില് ചേർന്ന സാഹചര്യത്തിലാണ് എം.പി സ്ഥാനം രാജിവച്ചത്. എം.പി സ്ഥാനം രാജിവച്ചതോടെ ജോസ് നിയമസഭാ തെരഞ്ഞെടുപ്പില് പാലായില് ഇടതു സ്ഥാനാർത്ഥിയായി മത്സരിച്ചേക്കുമെന്നാണ് സൂചന. അതേസമയം പാലാ സീറ്റിനെച്ചൊല്ലി എല്.ഡി.എഫില് എന്.സി.പി കലാപക്കൊടി ഉയര്ത്തിയിരുന്നു. പാലാ സീറ്റ് മാണി സി കാപ്പനില് നിന്ന് മാറ്റി ജോസ് കെ മാണിക്ക് കൊടുത്താല് മുന്നണി വിടുമെന്നായിരുന്നു ഭീഷണി. അതേസമയം എന്.സി.പി കാര്യമാക്കേണ്ടെന്ന നിലപാടിലാണ് സി.പി.എം.
ജോസ് കെ.മാണി രാജിവച്ച ഒഴിവില് രാജ്യസഭാ സീറ്റ് കേരള കോണ്ഗ്രസിന് തന്നെ നൽകിയേക്കും. രാജ്യസഭാ സീറ്റില് ആര് മത്സരിക്കണമെന്ന കാര്യം പീന്നീട് തീരുമാനിക്കും.