ലോകത്തിലെ ഏറ്റവും വലിയ സുഗന്ധവ്യഞ്ജന കമ്പനിയായ സിന്തൈറ്റ് ഇന്ഡസ്ട്രീസിന്റെ സ്ഥാപകനും ചെയര്മാനുമാണ് സി.വി. ജേക്കബ്. 1976-77 മുതല് ഏറ്റവും മികച്ച കയറ്റുമതിക്കാരനുള്ള ബഹുമതി നിരവധി തവണ രാഷ്ട്രപതിയില് നിന്നും സി.വി ജേക്കബിന് ലഭിച്ചിട്ടുണ്ട്.
എറണാകുളം ജില്ലയിലെ കോലഞ്ചേരിയില് കടയിരുല് 1972ലാണ് ‘സിന്തൈറ്റ് ഇന്ഡസ്ട്രീസ്’ ആരംഭിക്കുന്നത്. കുരുമുളക് സത്തില് നിന്നുള്ള മൂല്യവര്ധിത ഉല്പന്നമാണ് കമ്പനി ആദ്യം പുറത്തിറക്കിയത്. എന്നാല് ഇന്ന് അഞ്ഞൂറിലധികം ഉല്പന്നങ്ങളാണ് സിന്തൈറ്റ് വിപണിയില് ഇറക്കുന്നത്. കേരളത്തിനു പുറമേ ആന്ധ്ര, തമിഴ്നാട്, കര്ണാടക, ഗുജറാത്ത്, രാജസ്ഥാന് എന്നിവിടങ്ങളിലും ഇന്ത്യയ്ക്ക് വെളിയില് ചൈന, ശ്രീലങ്ക, വിയറ്റ്നാം, ഉക്രൈന്, ബ്രസീല്, എന്നിവിടങ്ങളില് ഫാക്ടറികളുണ്ട്.
കോലഞ്ചേരി നെച്ചുപ്പാടം സി.യു. വര്ക്കിയുടെയും ഏലിയുടെയും മകനായി 1933 സപ്തംബര് 27ന് ജനിച്ചു. ഭാര്യ മേപ്പാടം കുടുംബാംഗമായ ഏലിയാമ്മ. മക്കള്: ഡോ.വിജു ജേക്കബ്, അജു ജേക്കബ്, എല്വി, സില്വി, മിന്ന, മിന്നി.