ഉമ്മൻ കാപ്പിൽ
ബാൾട്ടിമോർ (മേരിലൻഡ്): മലങ്കര ഓർത്തഡോക്സ് സുറിയാനി സഭയുടെ നോർത്ത് ഈസ്റ്റ് അമേരിക്കൻ ഭദ്രാസന ഫാമിലി & യൂത്ത് കോൺഫറൻസിന്റെ കിക്ക് ഓഫ് മീറ്റിംഗിന് ഏപ്രിൽ 16-ന് ഞായറാഴ്ച ബാൾട്ടിമോർ സെന്റ് തോമസ് ഇന്ത്യൻ ഓർത്തഡോക്സ് ഇടവക വേദിയായി.
ഫാമിലി & യൂത്ത് കോൺഫറൻസ് സംഘാടക കമ്മിറ്റിയെ പ്രതിനിധീകരിച്ച് ഉമ്മൻ കാപ്പിൽ (ഭദ്രാസന കൗൺസിൽ അംഗം), ബിഷേൽ ബേബി (കോൺഫറൻസ് കമ്മിറ്റി അംഗം) എന്നിവർ ഇടവക സന്ദർശിച്ചു. വിശുദ്ധ കുർബാനയ്ക്ക് ശേഷം കിക്ക് ഓഫ് മീറ്റിംഗും ഉണ്ടായിരുന്നു.
സാബു കുര്യൻ (ഇടവക സെക്രട്ടറി) കോൺഫറൻസ് ടീമിനെ പരിചയപ്പെടുത്തി. വികാരി ഫാ. ടോബിൻ പി മാത്യു ടീമിനെ സ്വാഗതം ചെയ്യുകയും കോൺഫറൻസിൽ പങ്കെടുത്ത് അനുഗ്രഹം പ്രാപിക്കാൻ ഏവരെയും പ്രോത്സാഹിപ്പിക്കുകയും ചെയ്തു. ഈ വർഷത്തെ കോൺഫറൻസിന്റെ മുഖ്യ പ്രസംഗകരായി തെരഞ്ഞെടുക്കപ്പെട്ട സഭയുടെ ശക്തരായ പിതാക്കന്മാരിൽ നിന്ന് പഠിക്കുവാനുള്ള അസുലഭ അവസരം വളരെ പ്രതീക്ഷ നൽകുന്നതായി അദ്ദേഹം അനുസ്മരിച്ചു.
ഉമ്മൻ കാപ്പിൽ തന്റെ ആമുഖ പ്രസംഗത്തിൽ നിരവധി വർഷങ്ങളായി കോൺ ഫറൻസിന്റെ സംഘാടകരായും പങ്കാളികളുമായി നിസ്തുല സേവനം അനുഷ്ടിച്ചിട്ടുള്ള ഇടവകയിലെ അംഗങ്ങൾക്ക് നന്ദി രേഖപ്പെടുത്തി. ഈ വർഷത്തെ കോൺഫറൻസിന്റെ വേദി, നേതാക്കൾ, പൊതു ക്രമീകരണങ്ങൾ, എന്നിവയെക്കുറിച്ചും അദ്ദേഹം സംസാരിച്ചു.
രജിസ്ട്രേഷൻ, സുവനീർ, സ്പോൺസർഷിപ്പ് അവസരങ്ങൾ എന്നിവയെക്കുറിച്ചുള്ള വിശദാംശങ്ങൾ ബിഷേൽ ബേബി നൽകി. തന്റെ കുടുംബത്തോടൊപ്പം കോൺഫറൻസുകളിൽ പങ്കെടുത്തതിന്റെ അനുഭവത്തെ അടിസ്ഥാനമാക്കി ബിഷേൽ സംസാരിച്ചു. വിശ്വാസവും മൂല്യങ്ങളും പങ്കുവയ്ക്കുന്ന സമപ്രായക്കാരുമായി ശക്തമായ ബന്ധം വളർത്തിയെടുക്കാൻ കോൺഫറൻസ് തന്റെ കുട്ടികളെ എങ്ങനെ സഹായിച്ചുവെന്നും ബിഷേൽ വിശദീകരിച്ചു.
ഇടവകയെ പ്രതിനിധീകരിച്ച് അജിത് മാത്യു (ട്രഷറർ) സുവനീറിന്റെ സ്പോൺസർഷിപ്പ് ചെക്ക് കൈമാറി. നിരവധി ഇടവക അംഗങ്ങൾ സുവനീറിന് പരസ്യങ്ങളും ആശംസകളും നൽകിയും കോൺഫറൻസിനായി രജിസ്റ്റർ ചെയ്തും പിന്തുണ വാഗ്ദാനം ചെയ്തു. പിന്തുണ അറിയിച്ചവരിൽ ഫാ. ടോബിൻ പി. മാത്യു & ലെസ്ലി, സാബു കുര്യൻ, കെ സി തോമസ് കുട്ടി , എബ്രഹാം ജോഷ്വ, വർഗീസ് വർഗീസ് & ജോളി വർഗീസ്, ജോൺ കെ ജോൺ, പൊന്നച്ചൻ ഗീവർഗീസ്, ആലീസ് പ്രസാദ്, എബ്രഹാം ഈപ്പൻ എന്നിവർ ഉൾപ്പെടുന്നു . ഉദാരമായ പിന്തുണ നൽകിയ വികാരിക്കും ഇടവക അംഗങ്ങൾക്കും കോൺഫറൻസ് ടീം നന്ദി പറഞ്ഞു.
2023 ജൂലൈ 12 മുതൽ 15 വരെ ഡാൽട്ടൻ, പെൻസിൽവേനിയയിലെ ഹോളി ട്രാൻസ്ഫിഗറേഷൻ റിട്രീറ്റ് സെന്ററിലാണ് കോൺഫറൻസ് സജ്ജീകരിച്ചിരിക്കുന്നത്. യൂറോപ്പ്/ആഫ്രിക്ക ഭദ്രാസനാധിപൻ അഭിവന്ദ്യ ഡോ. എബ്രഹാം മാർ സ്തേഫാനോസ് മെത്രാപ്പോലീത്ത മുഖ്യ പ്രഭാഷകനായിരിക്കും. സൗത്ത് വെസ്റ്റ് അമേരിക്കൻ ഭദ്രാസന യൂത്ത് മിനിസ്റ്റർ ഫാ. മാറ്റ് അലക്സാണ്ടർ യുവജനങ്ങൾക്കായുള്ള സെഷനുകൾ നയിക്കും. യോവേൽ 2:28-ൽ നിന്നുള്ള “എല്ലാ ജഡത്തിന്മേലും ഞാൻ എന്റെ ആത്മാവിനെ പകരും” എന്നതാണ് ഈ വർഷത്തെ കോൺഫറൻസിന്റെ മുഖ്യ ചിന്താവിഷയം . ബൈബിൾ, വിശ്വാസം, പ്രചോദനാത്മകമായ വിഷയങ്ങൾ എന്നിവയെ അടിസ്ഥാനമാക്കി കുട്ടികൾക്കും യുവജനങ്ങൾക്കും മുതിർന്നവർക്കും അനുയോജ്യമായ പ്രത്യേക സംവേദനാത്മക സെഷനുകൾ ഉണ്ടായിരിക്കും
കൂടുതൽ വിവരങ്ങൾക്ക്, ഫാ. സണ്ണി ജോസഫ്, കോൺഫറൻസ് ഡയറക്ടർ (ഫോൺ: 718.608.5583) ചെറിയാൻ പെരുമാൾ, കോൺഫറൻസ് സെക്രട്ടറി (ഫോൺ: 516.439.9087) എന്നിവരുമായി ബന്ധപ്പെടുക.
