ഉമ്മൻ കാപ്പിൽ
വാലി കോട്ടേജ് (ന്യൂയോർക്ക്): മലങ്കര ഓർത്തഡോക്സ് സുറിയാനി സഭയുടെ നോർത്ത് ഈസ്റ്റ് അമേരിക്കൻ ഭദ്രാസന ഫാമിലി & യൂത്ത് കോൺഫറൻസിന്റെ സംഘാടക സമിതി പ്രതിനിധികൾക്ക് ഏപ്രിൽ 30 ഞായറാഴ്ച സെന്റ് മേരീസ് ഓർത്തഡോക്സ് ദേവാലയത്തിൽ സ്വീകരണം നൽകി.
വികാരി ഫാ. മാത്യു തോമസിന്റെ നേതൃത്വത്തിൽ നടന്ന വിശുദ്ധ കുർബാനയ്ക്കുശേഷം ഫാമിലി & യൂത്ത് കോൺഫറൻസിനായി കിക്കോഫ് മീറ്റിംഗും നടന്നു. മാത്യു ജോഷ്വ (കോൺഫറൻസ് ട്രഷറർ), മാത്യു വർഗീസ് (ഫുഡ് കമ്മിറ്റി കോർഡിനേറ്റർ) എന്നിവരടങ്ങിയ കോൺഫറൻസ് ടീമിനെ വികാരി പരിചയപ്പെടുത്തി സ്വാഗതം ചെയ്തു. കോൺഫറൻസ് നൽകുന്ന ആത്മീയ ശാക്തീകരണത്തെക്കുറിച്ചും കൂട്ടായ്മയെക്കുറിച്ചും വികാരി സംസാരിക്കുകയും പങ്കെടുക്കാൻ ഇടവകക്കാരെ പ്രോത്സാഹിപ്പിക്കുകയും ചെയ്തു. സമ്മേളന വേദി, പ്രമേയം, നേതാക്കൾ, സമ്മേളനത്തിന്റെ ഭാഗമായി നടക്കുന്ന വിവിധ പരിപാടികൾ എന്നിവയുടെ വിശദാംശങ്ങൾ മാത്യു വർഗീസ് അറിയിച്ചു. രജിസ്ട്രേഷൻ, സുവനീർ, സ്പോൺസർഷിപ്പ് അവസരങ്ങൾ എന്നിവയെക്കുറിച്ച് മാത്യു ജോഷ്വ സംസാരിച്ചു.
ഇടവകയെ പ്രതിനിധീകരിച്ച് സുവനീറിന്റെ സ്പോൺസർഷിപ്പ് ചെക്ക് കോൺഫറൻസ് സംഘാടകർക്ക് വികാരി കൈമാറി . വർഗീസ് ഉലഹന്നാൻ കറുകപ്പള്ളി സമ്മേളനത്തിന് രജിസ്റ്റർ ചെയ്തു. നിരവധി അംഗങ്ങൾ സുവനീറിൽ പരസ്യങ്ങളും ആശംസകളും നൽകി പിന്തുണ വാഗ്ദാനം ചെയ്തു. കോൺഫറൻസിന് പ്രാർത്ഥനാപൂർവ്വം പിന്തുണ നൽകിയ വികാരിക്കും ഇടവക അംഗങ്ങൾക്കും സംഘാടകർ നന്ദി പറഞ്ഞു.
കോൺഫറൻസ് 2023 ജൂലൈ 12 മുതൽ 15 വരെ നോർത്ത് ഈസ്റ്റ് അമേരിക്കൻ ഭദ്രാസനത്തിലെ ഹോളി ട്രാൻസ്ഫിഗറേഷൻ റിട്രീറ്റ് സെന്ററിൽ നടക്കും. യൂറോപ്പ്/ആഫ്രിക്ക ഭദ്രാസനാധിപൻ അഭിവന്ദ്യ ഡോ. എബ്രഹാം മാർ സ്തേഫാനോസ് മെത്രാപ്പോലീത്ത മുഖ്യ പ്രഭാഷകനായിരിക്കും. സൗത്ത് വെസ്റ്റ് അമേരിക്കൻ ഭദ്രാസന യൂത്ത് മിനിസ്റ്റർ ഫാ. മാറ്റ് അലക്സാണ്ടർ യുവജനങ്ങൾക്കായുള്ള സെഷനുകൾ നയിക്കും. യോവേൽ 2:28-ൽ നിന്നുള്ള “എല്ലാ ജഡത്തിന്മേലും ഞാൻ എന്റെ ആത്മാവിനെ പകരും” എന്നതാണ് ഈ വർഷത്തെ കോൺഫറൻസിൻറെ മുഖ്യ ചിന്താവിഷയം.
കൂടുതൽ വിവരങ്ങൾക്ക്, ഫാ. സണ്ണി ജോസഫ്, കോൺഫറൻസ് ഡയറക്ടർ (ഫോൺ: 718.608.5583) ചെറിയാൻ പെരുമാൾ, കോൺഫറൻസ് സെക്രട്ടറി (ഫോൺ: 516.439.9087) എന്നിവരുമായി ബന്ധപ്പെടുക.
