പ്രശസ്ത ക്രൈസ്തവഗാനരചയിതാവ് പാസ്റ്റർ പി.എം. ഭക്തവത്സലൻ നിര്യാതനായി. കഴിഞ്ഞ കുറേ ദിവസങ്ങളായി വൃക്ക സംബന്ധമായ ചികിത്സയിലായിരുന്നു. ബാംഗ്ലൂർ ബാപ്റ്റിസ്റ്റ് മിഷൻ ആശുപത്രിയിൽ വെച്ചാണ് പാസ്റ്റർ കർതൃസന്നിധിയിൽ ചേർക്കപ്പെട്ടത്.
മാവേലിക്കര പുലിമുഖത്ത് സുവിശേഷകൻ സി. മത്തായി – ഏലിയാമ്മ ദമ്പതികളുടെ ഏകമകനാണ്. ഇന്ത്യാ കാമ്പസ് ക്രുസൈഡിന്റെ ദേശീയ സംഗീത വിഭാഗമായ ഹാർട്ട് ബീറ്റ്സിന്റെ ഡയറക്ടറായി 1992 വരെ പ്രവർത്തിച്ചിരുന്നു. കർണ്ണാടക ചർച്ച് ഓഫ് ഗോഡ് സഭയുടെ ജനറൽ മിനിസ്റ്റർ ആയിരുന്നു. 300 ൽ അധികം ഗാനങ്ങൾക്ക് സംഗീതം പകരുകയും നൂറുകണക്കിന് സ്റ്റേജുകളിൽ ക്രിസ്തുവിന് വേണ്ടി ഗാനങ്ങൾ ആലപിക്കുകയും ചെയ്ത സംഗീതജ്ഞൻ ആയിരുന്നു . ഭാര്യ: ബീന, മക്കൾ: ബിബിൻ, ബിനി, ബെഞ്ചി.
