ഷിക്കാഗോ: ഷിക്കാഗോ മലയാളി അസോസിയേഷൻ ഗോൾഡൻ ജൂബിലി ആഘോഷ പരിപാടിയിൽ പ്രശസ്ത ഗായകരായി വിജയ് യേശുദാസും രഞ്ജിനി ജോസിന്റെയും ലൈവ് മ്യൂസിക് പരിപാടി നടത്തപ്പെടുന്നു.
ഷിക്കാഗോ മലയാളി അസോസിയേഷന്റെ 50-ാം വാർഷികത്തോടനുബന്ധിച്ച് വിവിധങ്ങളായ പരിപാടികളാണ് അരങ്ങേറുന്നത്. രാവിലെ 10 മുതൽ രണ്ട് വരെ സെമിനാർ, ക്ലാസുകൾ, ബിസിനസ് എന്നിവയും വൈകുന്നേരം അഞ്ചിന് നൂറിലധികം വനിതകൾ പങ്കെടുക്കുന്ന മെഗാ തിരുവാതിര, ഡിന്നർ, വിവിധ സാമൂഹിക സാംസ്കാരിക രാഷ്ട്രീയ നേതാക്കൾ പങ്കെടുക്കുന്ന മീറ്റിംഗിനുശേഷം വിജയ് യേശുദാസ് – രഞ്ജിനി ജോസ് എന്നിവരുടെ ലൈവ് മ്യൂസിക് അരങ്ങേറും.
അസോസിയേഷന്റെ ഈ ഗോൾഡൻ ജൂബിലി എല്ലാ മലയാളി സംഘടനകളുടെയും സഹകരണത്തോടെയാണ് നടത്തപ്പെടുന്നത്. ജൂൺ 24-ാം തീയതി നടക്കുന്ന അസോസിയേഷന്റെ ഗോൾഡൻ ജൂബിലിയിൽ പങ്കെടുക്കുവാൻ താല്പര്യപ്പെടുന്നവർ പത്താം തീയതിക്കു മുൻപായി ഓൺലൈനിലൂടെയോ ബന്ധപ്പെട്ട അധികാരികളുടെ പക്കലോ പേരു രജിസ്റ്റർ ചെയ്യേണ്ടതാണ്. രജിസ്ട്രേഷൻ കൂടാതെ ബാങ്ക്വറ്റ് ഹാളിൽ പ്രവേശനം അനുവദനീയമല്ല.