ലൈംഗിക പീഡനാരോപണത്തില് നിന്ന് തലയൂരി യുവന്റസ് ഫുട്ബോള് താരം ക്രിസ്റ്റ്യാനോ റൊണാള്ഡോ. ആരോപണങ്ങള് തെളിയിക്കുന്നതില് പ്രോസിക്യൂഷന് പരാജയപ്പെട്ടതോടെയാണ് നടപടികളൊന്നും വേണ്ടെന്ന് വച്ചിരിക്കുന്നത്. തെളിവുകളുടെ അഭാവത്തില് താരത്തിനെതിരെ യാതൊരു നടപടിയുമെടുക്കില്ലെന്ന് ക്ലാര്ക് കൗണ്ടി ഡിസ്ട്രിക്റ്റ് അറ്റോര്ണി സ്റ്റീവ് വൂള്സണ് അറിയിച്ചു.
കഴിഞ്ഞ വര്ഷം അമേരിക്കന് മോഡലായ കാതറിന് മയോര്ഗയാണ് ആരോപണവുമായി രംഗത്തെത്തിയത്. പത്തുവര്ഷം മുന്പ് ലാസ് വേഗസിലെ ഹോട്ടലില് വച്ച് റൊണാള്ഡോ പീഡിപ്പിച്ചുവെന്നായിരുന്നു പരാതി.