ബ്ലൂമൂണ്, സൂപ്പര്മൂണ്, ബ്ലഡ് മൂണ് എന്നീ മൂന്നു ചാന്ദ്രപ്രതിഭാസങ്ങള് ഒരുമിച്ച് ഇന്ന് ആകാശത്ത് മിന്നിമായുമ്പോള് പ്രപഞ്ചം അപൂര്വ്വ പ്രതിഭാസത്തിന് സാക്ഷിയാകും. ഈ ചാന്ദ്രവിസ്മയം ഇന്ന് കാണാന് സാധിച്ചില്ലെങ്കില് ഇപ്പോള് ജീവിച്ചിരിക്കുന്ന ആര്ക്കും ഇനിയൊരു അവസരം ഉണ്ടായിരിക്കുകയില്ല.
ഇന്ന് ചന്ദ്രന്റെ നിറം കടും ഓറഞ്ചാകുന്ന പ്രതിഭാസത്തോടൊപ്പം, വലുപ്പം ഏഴു ശതമാനവും പ്രഭ 30 ശതമാനത്തിലേറെയും വര്ധിക്കും. ഇന്നു സന്ധ്യയ്ക്ക് 6.21ന് ചന്ദ്രന് ഉദിക്കുന്നതു മുതല് 7.37 വരെ കേരളത്തില് പൂര്ണചന്ദ്രഗ്രഹണം (ബ്ലഡ്മൂണ്) അനുഭവപ്പെടും. എന്നാല്, ആകാശം മേഘാവൃതമാണെങ്കില് ഈ അത്ഭുത പ്രതിഭാസം കാണാന് സാധിക്കില്ല.
ഇതിനു മുന്പ് ഇവ മൂന്നും ഒരുമിച്ചു വന്നത് 152 വര്ഷം മുന്പാണ് 1866 മാര്ച്ച് 31ന്. ഇനി ഒരു നൂറ്റാണ്ടു കഴിയാതെ ഇവ ഒരുമിച്ചുഉണ്ടാവുകയില്ല. ഇന്നത്തെ ചന്ദ്രഗ്രഹണം നഗ്നനേത്രങ്ങള് കൊണ്ടു കാണാന് സാധിക്കുന്നതാണ്. ചന്ദ്രഗ്രഹണമായതിനാല് ഇന്നു വൈകിട്ടു ക്ഷേത്രങ്ങളില് നേരത്ത തന്നെ നടയടയ്ക്കും.