കാലങ്ങളായി കരിമ്പട്ടിണി കിടക്കുന്ന…
പത്തു വര്ഷത്തോളമായി കുടുംബത്തിലേതൊരാളാണ് പിറ്റേന്നു പുലര്ച്ചെ ആത്മഹത്യയിലഭയം തേടുന്നതെന്ന് ഭയപ്പെടുന്ന…
ആര്ത്തവദിനങ്ങളില്പ്പോലും ശരീരം വൃത്തിയാക്കി വയ്ക്കാന് വെള്ളം കിട്ടാനില്ലാത്ത.മണ്ണുകൊണ്ടും പനയോലകൊണ്ടും ആര്ത്തവത്തെ കൈകാര്യം ചെയ്യേണ്ടിവരുന്ന… കൃഷിയല്ലാതെ വേറൊന്നും ചെയ്യാനറിയാത്ത… ഡിജിറ്റല് വിപ്ലവത്തെപ്പറ്റി കേട്ടുകേള്വി പോലുമില്ലാത്ത…..
എ. ടി. എമ്മും ജി. എസ്. ടിയും ആവശ്യമില്ലാത്ത സാധാരണക്കാരുടെ അതിജീവനസമരമാണ് മഹാരാഷ്ട്രയിലെ നിരത്തുകളില് നാമിപ്പോള് സ്വീകരണമുറികളിലിരുന്ന് കണ്ടുകൊണ്ടിരിക്കുന്നത്….
നിങ്ങള്ക്ക് കുടിക്കാന് വെള്ളം കിട്ടുന്നു.
നിങ്ങള്ക്ക് ഫ്ളഷ് ചെയ്തു രസിക്കാനുള്ളത്ര വെള്ളം കിട്ടുന്നതിനാല് വേണ്ടതിലേറെ തിന്നുന്നു.
വേണ്ടതിലേറെ തിന്നാനുള്ളത് വാങ്ങാന് പണമുള്ളതിനാല് നിങ്ങള് വാങ്ങുകയും തിന്നുകയും ചെയ്യുന്നു.
കാലിലിടാന് പലതരം പാദസരങ്ങളും വിരലാഭരണങ്ങളും വാങ്ങുന്നു.
കാശെടുത്തില്ലെങ്കിലും കാര്ഡുണ്ടെങ്കില് എന്തും വാങ്ങാമെന്ന ആത്മവിശ്വാസത്തില് നിങ്ങള് എന്തുവാങ്ങാമെന്നതിനെപ്പറ്റി എപ്പോഴും ആലോചിക്കുന്നു.
വോട്ട് ചെയ്തില്ലെങ്കിലും സര്ക്കാരിന്റെ എല്ലാ ആനുകൂല്യങ്ങളും നിങ്ങള്ക്ക് ലഭിക്കുമെന്നതിനാല് ഭരിക്കുന്ന സര്ക്കാരിനെ കാലാകാലം കുറ്റം പറഞ്ഞ് അരാഷ്ട്രീയ ജീവിയാകാന് നിങ്ങള്ക്ക് സാധിക്കുന്നു.