ചങ്ങനാശേരി എന്എസ്എസ് കോളജില് കെഎസ്യു യൂണിറ്റ് വൈസ് പ്രസിഡന്റായാണു വിജയകുമാർ പൊതുപ്രവര്ത്തനം ആരംഭിച്ചത്. യൂത്ത് കോണ്ഗ്രസ് ചെങ്ങന്നൂര് ബ്ലോക്ക് പ്രസിഡന്റ്, ജില്ലാ സെക്രട്ടറി, ആലപ്പുഴ ഡിസിസി ജനറല് സെക്രട്ടറി, ഐഎന്ടിയുസി ജില്ലാ വൈസ് പ്രസിഡന്റ്, കെപിസിസി അംഗം, നിര്വാഹകസമിതി അംഗം എന്നീ പദവികളില് പ്രവര്ത്തിച്ചു.
ഇന്ത്യന് ലോയേഴ്സ് കോണ്ഗ്രസ് സംസ്ഥാന വൈസ് പ്രസിഡന്റ്, മൂന്നു തവണ ചെങ്ങന്നൂര് ബാര് അസോസിയേഷന് പ്രസിഡന്റ്, ദക്ഷിണ റെയില്വേ സോണല് കമ്മിറ്റി അംഗം, ചെങ്ങന്നൂര് റെയില്വേ പാസഞ്ചേഴ്സ് അസോസിയേഷന് പ്രസിഡന്റ്, റെയില്വേ ഡിവിഷനല് യൂസേഴ്സ് കമ്മിറ്റി അംഗം (തിരുവനന്തപുരം, പാലക്കാട്), കേരള കാര്ഷിക സര്വകലാശാല മുന് അക്കൗണ്ട്സ് കമ്മിറ്റി ചെയര്മാന്, ആലപ്പുഴ കോഓപറേറ്റീവ് സ്പിന്നിങ് മില്സ് ലിമിറ്റഡ് ചെയര്മാന് എന്നീ പദവികളും വഹിച്ചിട്ടുണ്ട്. ഭാര്യ: രാധിക. മക്കള്: ജ്യോതി വിജയകുമാര്, ലക്ഷ്മി വിജയകുമാര്.
എൽഡിഎഫ് സ്ഥാനാർഥിയായി സിപിഎം ജില്ലാ സെക്രട്ടറി സജി ചെറിയാനും എൻഡിഎ സ്ഥാനാർഥിയായി ബിജെപി ദേശീയ നിർവാഹക സമിതി അംഗം പി.എസ്.ശ്രീധരൻ പിള്ളയുമാണു മത്സരിക്കുന്നത്. മൂന്നു മുന്നണികളുടെയും സ്ഥാനാർഥി ചിത്രം വ്യക്തമായതോടെ പോരാട്ടച്ചൂടിലേക്കു കടന്നിരിക്കുകയാണു ചെങ്ങന്നൂർ മണ്ഡലം.