ന്യൂഡല്ഹി: പുതിയ കെപിസിസി അധ്യക്ഷനെ തീരുമാനിക്കാന് ചുരുക്കപ്പട്ടിക ആവശ്യപ്പെട്ട് കോണ്ഗ്രസ് അധ്യക്ഷന് രാഹുല് ഗാന്ധി. മുന് മുഖ്യമന്ത്രി ഉമ്മന്ചാണ്ടിയോടും പ്രതിപക്ഷ നേതാവ് ചെന്നിത്തലയോടും പട്ടിക നല്കാന് രാഹുല് ഗാന്ധി ആവശ്യപ്പെട്ടു. മൂന്ന് പേരുടെ പട്ടികയാണ് നല്കേണ്ടത്.
പുതിയ കെപിസിസി അധ്യക്ഷനെ തെരഞ്ഞെടുക്കുന്നതുമായി ബന്ധപ്പെട്ട് മുന് മുഖ്യമന്ത്രി ഉമ്മന്ചാണ്ടി അധ്യക്ഷന് രാഹുല് ഗാന്ധിയുമായി കൂടിക്കാഴ്ച നടത്തിയിരുന്നു. ചെങ്ങന്നൂര് ഉപതെരഞ്ഞെടുപ്പ് കഴിയും വരെ അധ്യക്ഷപദവിയില് എം.എം ഹസന് തുടരട്ടെയെന്ന് രാഹുല് ഗാന്ധിയെ ഉമ്മന്ചാണ്ടി അറിയിച്ചു. കേരളത്തിലെ രാഷ്ട്രീയ സാഹചര്യവും കൂടിക്കാഴ്ചയില് ചര്ച്ചയായി.
പ്രതിപക്ഷ നേതാവ് രമേശ് ചെന്നിത്തലയും രാഹുല്ഗാന്ധിയുമായി കൂടിക്കാഴ്ച നടത്തി. പുതിയ അധ്യക്ഷനെ പ്രഖ്യാപിക്കുന്നത് നീട്ടി കൊണ്ടു പോകേണ്ടത് ഇല്ലെന്ന് നിലപാടാണ് രാഹുലിന് ഉള്ളത്. കഴിഞ്ഞ ദിവസം എകെ ആന്റണിയും കേരളത്തിന്റെ ചുമതലയുള്ള മുകുള് വാസ്നിക്കും രാഹുല് ഗാന്ധിയുമായി ഇക്കാര്യം ചര്ച്ച ചെയ്തിരുന്നു.