തിരുവനന്തപുരം: തിരുവനന്തപുരം നഗരസഭാ മേയര് തെരഞ്ഞെടുപ്പില് കെ. ശ്രീകുമാര് എല്ഡിഎഫ് സ്ഥാനാര്ഥിയാകും. ഞായറാഴ്ച രാവിലെ ചേര്ന്ന ജില്ലാ സെക്രട്ടേറിയേറ്റ് യോഗത്തിലാണു തീരുമാനം. സിപിഎം സംസ്ഥാന സമിതിക്കു ശിപാര്ശ കൈമാറി.
ചാക്ക കൗണ്സിലറും നിലവില് ആരോഗ്യകാര്യ സ്റ്റാന്ഡിംഗ് കമ്മറ്റി ചെയര്മാനുമാണു ശ്രീകുമാര്. ബിജെപി സ്ഥാനാര്ഥിയായി നേമം കൗണ്സിലര് എം.ആര്. ഗോപന് മത്സരിക്കും. യുഡിഎഫ് സ്ഥാനാര്ഥിയെ തിങ്കളാഴ്ച പ്രഖ്യാപിക്കും.
വി.കെ. പ്രശാന്ത് വട്ടിയൂര്ക്കാവ് എംഎല്എ ആയി തെരഞ്ഞെടുക്കപ്പെട്ടതിനെ തുടര്ന്നാണ് മേയര് സ്ഥാനത്തേക്കു വീണ്ടും തെരഞ്ഞെടുപ്പ് വേണ്ടിവന്നത്. 12-നാണു തെരഞ്ഞെടുപ്പ്.
സിപിഎമ്മിന് നഗരസഭയില് തനിച്ചു ഭൂരിപക്ഷമില്ല. നിലവില് നഗരസഭയില് എല്ഡിഎഫ്-37, ബിജെപി-35, യുഡിഎഫ്-17 എന്നിങ്ങനെയാണു കക്ഷിനില.