തിരുവനന്തപുരം: സംസ്ഥാനത്ത് ഇന്ന് 14 പേര്ക്ക് കൂടി കോവിഡ് 19 സ്ഥിരീകരിച്ചു. മലപ്പുറത്ത് 4 പേര്ക്കും, കോഴിക്കോട്, കണ്ണൂര്, പാലക്കാട് ജില്ലകളില് രണ്ട് പേര്ക്ക് വീതവും എറണാകുളം, തൃശ്ശൂര്, കാസര്ഗോഡ്,കൊല്ലം ജില്ലകളില് ഒരോരുത്തര്ക്ക് വീതവുമാണ് രോഗം സ്ഥിരീകരിച്ചിരിക്കുന്നത്.
ഇതില് രണ്ട് പേര് വിദേശത്ത് നിന്നും (ഒരാള് കുവൈറ്റ്, ഒരാള് യു.എ.ഇ.) 7 പേര് തമിഴ്നാട്ടില് നിന്നും 3 പേര് മഹാരാഷ്ട്രയില് നിന്നും വന്നതാണ്.എറണാകുളം ജില്ലയിയില് രോഗം സ്ഥിരീകരിച്ചയാള് മാലി ദ്വീപില് നിന്നും വന്ന ഉത്തര്പ്രദേശ് സ്വദേശിയാണ്. കൊല്ലം ജില്ലയില് രോഗം ബാധിച്ചത് ആരോഗ്യ പ്രവര്ത്തകയ്ക്കാണ്.
ഇന്ന് ആരുടേയും പരിശോധനാഫലം നെഗറ്റീവ് ആയില്ല. 101 പേരാണ് രോഗം സ്ഥിരീകരിച്ച് നിലവില് സംസ്ഥാനത്ത് ചികിത്സയിലുള്ളത്. 497 പേരാണ് ഇതുവരെ കോവിഡില് നിന്നും മുക്തി നേടിയത്.
വിവിധ ജില്ലകളിലായി 62,529 പേരാണ് നിരീക്ഷണത്തിലുള്ളത്. 61,855 പേര് വീടുകളിലും 674 പേര് ആശുപത്രികളിലുമാണ് നിരീക്ഷണത്തില് കഴിയുന്നത്. 159 പേരെയാണ് ഇന്ന് ആശുപത്രിയില് പ്രവേശിപ്പിച്ചത്. ഇതുവരെ 45,027 വ്യക്തികളുടെ (ഓഗ്മെന്റഡ് സാമ്പിള് ഉള്പ്പെടെ) സാമ്പിള് പരിശോധനയ്ക്ക് അയച്ചിട്ടുണ്ട്. ലഭ്യമായ 43,200 സാമ്പിളുകളുടെ പരിശോധനാഫലം നെഗറ്റിവ് ആണ്. സെന്റിനല് സര്വൈലന്സിന്റെ ഭാഗമായി ആരോഗ്യ പ്രവര്ത്തകര്, അതിഥി തൊഴിലാളികള്, സാമൂഹിക സമ്പര്ക്കം കൂടുതലുള്ള വ്യക്തികള് മുതലായ മുന്ഗണനാ ഗ്രൂപ്പുകളില് നിന്ന് 5009 സാമ്പിളുകള് ശേഖരിച്ചതില് 4764 സാമ്പിളുകള് നെഗറ്റീവ് ആയി.