ആലപ്പുഴ: നടനും സംവിധായകനുമായ രമേഷ് പിഷാരടി കോണ്ഗ്രസില് ചേരും. പ്രതിപക്ഷ നേതാവ് രമേശ് ചെന്നിത്തല നയിക്കുന്ന ഐശ്വര്യ കേരള യാത്രയുടെ ഹരിപ്പാട്ടെ വേദിയില് രമേഷ് പിഷാരടിയുമെത്തും. കോണ്ഗ്രസ് യുവനേതാക്കളുടെ ഇടപെടലിനെ തുടര്ന്നാണു തീരുമാനം. ഉമ്മന് ചാണ്ടി, രമേശ് ചെന്നിത്തല എന്നിവരുമായി പിഷാരടി ചര്ച്ച നടത്തി.
നടന് ധര്മജന് ബോള്ഗാട്ടി കോണ്ഗ്രസിനായി തിരഞ്ഞെടുപ്പില് മത്സരിക്കുമെന്ന വാര്ത്തകള്ക്കു പിന്നാലെയാണു രമേഷ് പിഷാരടിയുടെ പാര്ട്ടി പ്രവേശനം. കോണ്ഗ്രസ് ആവശ്യപ്പെട്ടാല് മത്സരിക്കാന് തയാറെന്ന് ധര്മജന് നേരത്തേ വ്യക്തമാക്കിയിട്ടുണ്ട്.