സത്യം വിളിച്ചുപറഞ്ഞ പാണക്കാട് സയ്യിദ് മുഈന് അലി ശിഹാബ് തങ്ങള്ക്കെതിരെ ചോറ്റുപട്ടാളത്തെ ഉപയോഗിച്ച് ലീഗ് നേതൃയോഗത്തില് നടപടിയെടുപ്പിക്കാമെന്നാണ് ഭാവമെങ്കില് അതിന് കുഞ്ഞാലിക്കുട്ടി വലിയ വില കൊടുക്കേണ്ടി വരും. ഇ ഡിയുമായി ബന്ധപ്പെട്ട വിഷയം പാണക്കാട് കുടുംബത്തിലെ അംഗങ്ങളോട് കുഞ്ഞാലിക്കുട്ടി ഫോണില് സംസാരിച്ചിട്ടുണ്ട്. അതിന്റെയൊക്കെ ശബ്ദരേഖകള് അറ്റകൈക്ക് പുറത്തുവിടേണ്ടി വരും. അത് പുറത്തുവന്നാല് അദ്ദേഹത്തിന് രാഷ്ട്രീയ പ്രവര്ത്തനം തന്നെ അവസാനിപ്പിക്കേണ്ടി വരും. ആ നിലയിലേക്കാണ് കാര്യങ്ങള് പോകുന്നത്. സൂക്ഷിച്ചുകൈകാര്യം ചെയ്താല് അദ്ദേഹത്തിന് നല്ലത്’- ജലീല് പറഞ്ഞു. കഴിഞ്ഞ 40 വര്ഷമായി മുസ്ലീം ലീഗിന്റെ ഫണ്ട് കൈകാര്യം ചെയ്യുന്നത് കുഞ്ഞാലിക്കുട്ടിയാണെന്നും, ചന്ദ്രിക ദിനപത്രത്തിലെ പണമിടപാട് കേസില് ഹൈദരലി തങ്ങള്ക്ക് ഇ ഡിയുടെ നോട്ടീസ് കിട്ടാന് കാരണം കുഞ്ഞാലിക്കുട്ടിയാണെന്നും ഹൈദരലി തങ്ങളുടെ മകനും യൂത്ത് ലീഗ് ദേശീയ വൈസ് പ്രസിഡന്റുമായ മുഈന് അലിയും ആരോപിച്ചിരുന്നു. മുഈന് അലി തങ്ങള്ക്കെതിരെയുള്ള നടപടി തുടരാനാണ് ഭാവമെങ്കില് ഇ ഡിയുമായി ബന്ധപ്പെട്ട കുഞ്ഞാലിക്കുട്ടിയുടെ ശബ്ദരേഖ പുറത്തുവിടേണ്ടി വരും. ജലീല് മുന്നറിയിപ്പ് നല്കി.