അതേസമയം, കേസുമായി ബന്ധപ്പെട്ട് പൊലിസ് ഒരാളെ കൂടി കസ്റ്റഡിയില്‍ എടുത്തു. കോട്ടയം സ്വദേശിയായ സുനിയെയാണ് പൊലിസ് പിടികൂടിയത്. കാക്കനാട് ജില്ലാ ജയിലില്‍ സുനിയുടെ സഹതടവുകാരനായിരുന്നു ഇപ്പോള്‍ അറസ്റ്റിലായ സുനി. പള്‍സര്‍ സുനിയ്ക്ക് ഫോണ്‍വിളിക്കാനുള്ള സൗകര്യം ഒരുക്കിക്കൊടുത്തത് സഹതടവുകാരനായ സുനിയാണെന്ന് പൊലിസ് കണ്ടെത്തിയിരുന്നു. ഇതിനെ തുടര്‍ന്നാണ് ഇയാളെ കസ്റ്റഡിയിലെടുത്തത്.ജയിലില്‍ നിന്നും ഫോണ്‍ വിളിച്ചതായി സുനി പൊലിസിനോട് സമ്മതിച്ചിട്ടുണ്ട്. നടന്‍ നാദിര്‍ഷായേയും ദിലീപിന്റെ മാനേജര്‍ അപ്പുണ്ണിയുടേയും ഫോണില്‍ വിളിച്ചെന്നാണ് സുനിയുടെ വെളിപ്പെടുത്തല്‍.
