ആയിരക്കണക്കിന് ആരാധകരാണ് സണ്ണി ലിയോണിനെ കാണാനായി കൊച്ചിയിൽ എത്തിച്ചേർന്നത്. ആരാധകരുടെ തള്ളിക്കയറ്റം നിയന്ത്രിക്കാൻ പോലീസ് പരക്കം പായുന്നതും നമ്മൾ കണ്ടു. ഒരു പോണ് സ്റ്റാർ എന്നതിലുപരി ഉറച്ച നിലപാടുകളുള്ളതും, മനുഷ്യത്വം നിറഞ്ഞ ഒരു മനസുണ്ടെന്നതും ഇവരെ വ്യത്യസ്തയാക്കുന്നു.
ബേബി ഡോൾ എന്ന ഗാനത്തിലൂടെയാണ് ഇന്ത്യയിൽ സണ്ണിയുടെ പ്രശസ്തി ഒരു തീ പോലെ പടർന്നത്. എന്നാൽ അധികം ആരും അറിയാത്ത ഒരു കാര്യമുണ്ട്. ഹിന്ദി ബേബി ഡോൾ ഇറങ്ങിയതിനൊപ്പം വ്യത്യസ്ത പ്രാദേശിക ഭാഷയിലും അണിയറ പ്രവർത്തകർ ഇതേ ഗാനം തർജമ ചെയ്തു എന്നത്. മിന്നാമിനുങ്ങ് പോലെൻ കണ്‍കൾ, വെണ്‍ ചന്ദ്രിക എന്ന് തുടങ്ങുന്ന മലയാളം പതിപ്പിൽ സണ്ണി ലിയോണ് മലയാളത്തിൽ പാടി ചുവടുകൾ വയ്ക്കുന്നുമുണ്ട്.
സണ്ണി കൊച്ചിയിലെത്തിയ ശേഷമാണ് പലരും ഈ വീഡിയോയെപ്പറ്റി അറിയുന്നത് തന്നെ. മീറ്റ് ബ്രോസ് അൻജാനാണ് ബേബി ഡോളിന്റെ സംഗീതം. ഖുശ്ബു ജെയിൻ, സാകെ എന്നിവർ ചേർന്ന് പാടിയിരിക്കുന്നു. കൃഷ്ണാചാര്യറാണ് വരികളെഴുതിയിരിക്കുന്നത്.
