‘അഡ്വഞ്ചേഴ്സ് ഒഫ് ഓമനക്കുട്ടന്’ സിനിമയുടെ സംവിധായകനാണ് രോഹിത് വി. എസ്. ആസിഫ് അലിയും ഭാവനയും ഒരുമിച്ച ആദ്യ ചിത്രത്തിന് ശേഷം രോഹിത് ദീപാവലി ദിനത്തില് പുതിയ ചിത്രത്തെക്കുറിച്ചുള്ള വിവരങ്ങള് പങ്കുവച്ചു. ‘ഇബിലീസ്’ എന്ന് പേരിട്ടിരിക്കുന്ന ചിത്രത്തില് ആസിഫ് അലിയാണ് നായകന്. മഡോണ സെബാസ്റ്റ്യന് നായികയായി എത്തുന്നു.
സിദ്ദിഖ്, ലാല് എന്നിവരാണ് മറ്റു താരങ്ങള്. ‘ഓമനക്കുട്ട’ന്റെ തിരക്കഥ ഒരുക്കിയ സമീര് അബ്ദുള് തന്നെയാണ് ‘ഇബിലീസി’ന്റെ തിരക്കഥയും ഒരുക്കുന്നത്. കൂടുതല് വിശേഷങ്ങള് വഴിയേ അറിയിക്കാമെന്നാണ് സംവിധായകന് പറയുന്നത്.
നിലവില് കാറ്റ് എന്ന ചിത്രമാണ് ആസിഫിന്റേതായി റിലീസായിരിക്കുന്നത്. മൃദുല് നായരുടെ ബി.ടെക്കാണ് ആസിഫിന്റേതായി അണിയറയില് ഒരുങ്ങുന്ന മറ്റൊരു ചിത്രം. ധനുഷിനൊപ്പം മാരി 2ല് അഭിനയിക്കുകയാണ് മഡോണ സെബാസ്റ്റ്യന്. ആസിഫിനൊപ്പം ആദ്യമായാണ് മഡോണ നായികയായി എത്തുന്നത്.