മലയാള സിനിമയുടെ അതിര്ത്തികള് വിശാലമാക്കി മോഹന്ലാല് ചിത്രമായ വില്ലന്. ബി ഉണ്ണികൃഷ്ണന് സംവിധാനം ചെയ്ത ഈ ബിഗ്ബജറ്റ് സിനിമ ഒരു തകര്പ്പന് ആക്ഷന് ത്രില്ലറാണ്. കണ്ടവരെല്ലാം ‘അതിഗംഭീരം’ എന്ന അഭിപ്രായമാണ് പറഞ്ഞത്. ഒരു ഇമോഷണല് ത്രില്ലറാണ് വില്ലനെന്നും മോഹന്ലാലിന്റെ പെര്ഫോമന്സ് ഒന്നാന്തരമാണെന്നും മിഷ്കിന് പറഞ്ഞു.
ഒരു വെല് മെയ്ഡ് സിനിമയാണ് വില്ലന് എന്ന് ലിംഗുസാമി ട്വീറ്റ് ചെയ്തു. വെള്ളിയാഴ്ചയാണ് ചിത്രം റിലീസാകുന്നത്. പ്രീ റിലീസ് ബുക്കിംഗില് റെക്കോര്ഡ് ഇട്ടിരിക്കുകയാണ് വില്ലന്.
ഇത്രയും ഗ്രാന്ഡായ ഒരു മലയാളം റിലീസ് മലയാള സിനിമയുടെ ചരിത്രത്തില് തന്നെ ഉണ്ടായിട്ടില്ല. വിശാല്, ഹന്സിക, മഞ്ജു വാര്യര്, ശ്രീകാന്ത് തുടങ്ങിയ വന് താരനിരയാണ് ചിത്രത്തിന്.
ബജിറങ്ങി ഭായിജാൻ, ലിംഗ തുടങ്ങി വിവിധ ഭാഷകളിൽ നിരവധി സിനിമകൾ നിർമ്മിച്ച റോക് ലൈൻ വെങ്കിടേഷിന്റെ ആദ്യ മലയാള കാൽവയ്പും, ഒപ്പം മോഹൻലാൽ എന്ന അഭിനയ പ്രതിഭയും, ബി. ഉണ്ണികൃഷ്ണന്റെ സംവിധാന മികവും കൂടി ചേരുമെന്നതിനാൽ തന്നെ വില്ലന്റെ വിലാസങ്ങൾ ആസ്വദിക്കാൻ കാഴ്ചക്കാരനെ നിർബന്ധിപ്പിച്ചിരുന്നു. മാടമ്പി, ഗ്രാൻഡ് മാസ്റ്റർ, മിസ്റ്റർ ഫ്രോഡ് എന്നിവക്ക് ശേഷം എത്തുന്ന വില്ലൻ മോഹൻലാൽ- ബി ഉണ്ണികൃഷ്ണൻ കൂട്ടുകെട്ടിലെ നാലാമത്തെ ചിത്രമാണെന്നതിനാൽ തന്നെ പ്രതീക്ഷയേറെയുണ്ട്.
തമിഴിലെ സംവിധായകര്ക്കും താരങ്ങള്ക്കുമായി ചെന്നൈയില് വില്ലന്റെ പ്രത്യേക ഷോ നടന്നിരുന്നു. ലിംഗുസാമി, മിഷ്കിന് തുടങ്ങി പ്രമുഖരെല്ലാം സിനിമ കാണാനെത്തി.