ന്യൂഡല്ഹി: പ്രധാനമന്ത്രി നരേന്ദ്രമോദിയുടേത് പൊള്ളയായ വാഗ്ദാനങ്ങളെന്ന് കോണ്ഗ്രസ് അധ്യക്ഷന് രാഹുല് ഗാന്ധി. ട്വിറ്ററിലൂടെയാണ് ബിജെപിക്കും പ്രധാനമന്ത്രിക്കുമെതിരെ രൂക്ഷവിമര്ശനം ഉന്നയിച്ചത്.
‘പ്രിയപ്പെട്ട മോദി ഭക്തരെ, സ്മാര്ട്ട് സിറ്റികള്ക്കായി നീക്കിവച്ച 9860 കോടി രൂപയില് ഏഴ് ശതമാനം മാത്രമാണ് വിനിയോഗിച്ചിട്ടുള്ളത്. ചൈന നമ്മെ മറികടന്നു കൊണ്ടിരിക്കുമ്പോള് നിങ്ങളുടെ നേതാവ് പൊള്ളയായ മുദ്രാവാക്യങ്ങള് മുഴക്കിക്കൊണ്ടിരിക്കുകയാണ്’, ഇതായിരുന്നു രാഹുലിന്റെ ട്വീറ്റ്.ചൈനയിലെ മത്സ്യബന്ധന ഗ്രാമമായിരുന്ന ഷെഞ്ജെന് മെഗാസിറ്റിയായി മാറിയതിനെ കുറിച്ചുള്ള വീഡിയോയും ട്വീറ്റിനൊപ്പം രാഹുല് ചേര്ത്തിട്ടുണ്ട്. ദയവായി ഈ വീഡിയോ കാണാനും തൊഴിവസരങ്ങള് സൃഷ്ടിക്കുന്നതില് ശ്രദ്ധ കേന്ദ്രീകരിക്കാന് അദ്ദേഹത്തെ ഉപദേശിക്കാനും രാഹുല് ട്വീറ്റില് ആവശ്യപ്പെടുന്നുണ്ട്.