അധിനിവേശ പാരമ്യത്തിലെ
‘ആണ്‍ ‘ എന്ന പ്രിവിലേജ-
തിലായിരുന്നിത്രനാളും
മീനിന്റെ നടുക്കഷ്ണവും
വാല്‍ക്കഷ്ണവും കിട്ടിയത്‌.
പങ്കുവയ്ക്കലിലെ അധികാംശം
പെണ്ണിന്റെയവകാശധ്വംസനം.
പൊരിച്ച മീനിന്‌ വേണ്ടിയുള്ള
പിടച്ചിലല്ല ഫെമിനിസം.
ജീവിതത്തിന്റെ സൂക്ഷ്മതല
വിവേചനങ്ങളോട്‌ പോരടിച്ചാ-
ണോരോ പെണ്ണും ഫെമിനിസ്റ്റാകുന്നത്‌.
ഇതൊക്കെ റീമയെ ‘ട്രോളി’-
ക്കൊല്ലുമാണ്‍വങ്കത്തക്കൂട്ടങ്ങള്‍
എന്നു തിരിച്ചറിയും കാലമേ?
**മുലമറച്ചും
***മുലമുറിച്ചും
മലയാളപ്പെണ്മയുയര്‍ത്തിയ
വിമോചനപ്പൊന്‍കൊടി
തീന്മേശയസമത്വത്തിന്മേലെ
നാട്ടിയിരിക്കുന്നു റീമ!!!
നിവരുന്ന പെണ്മ-
യ്ക്കഭിവാദ്യങ്ങള്‍….
———————————————————————————-
*Femmephobia-സ്ത്രൈണമായതെന്തിനേയും കഠിനമായി വെറുക്കുന്ന മാനസികാവസ്ഥ
**സ്വാതന്ത്ര്യ പൂര്‍വ കേരളത്തിലെ ആദ്യത്തെ മനുഷ്യാവകാശ സമരമായ ,പതിനെട്ടാം നൂറ്റാണ്ടിന്റെ അവസാനപാദത്തില്‍ നാടാര്‍ സമുദായത്തില്‍പ്പെട്ട സ്ത്രീകള്‍ തെക്കന്‍ തിരുവിതാംകൂറില്‍ നടത്തിയ മാറുമറയ്ക്കല്‍ സമരം
*** മുലക്കരത്തില്‍ പ്രതിഷേധിച്ച്‌ തന്റെ രണ്ട്‌ മുലകളും മുറിച്ചു നല്‍കി,പത്തൊന്‍പതാം നൂറ്റാണ്ടില്‍ ,മധ്യതിരുവിതാംകൂറിലെ പെണ്‍പോരാട്ട വീര്യമായ നങ്ങേലി
