കോട്ടയം: സിസ്റ്റർ അഭയ കൊലക്കേസിലെ പ്രധാന പ്രതി ഫാദർ തോമസ് കോട്ടൂരിന് ക്നാനായ കത്തോലിക്കാ സഭ ബിഷപ്പ് മാക്കീൽ ഫൌണ്ടേഷൻ അവാർഡ് നൽകി ആദരിച്ചു.
അതിരൂപതയുടെ മുഖപത്രമായ അപ്നാ ദേശിൽ കോട്ടൂർ എഴുതിയ ‘മലയാളിയുടെ മാനാസികാരോഗ്യം’ എന്ന ലേഖനത്തിനാണ് അവാർഡ്. പ്രഫ. മാത്യു പാൽ, പ്രഫ. വി പി തോമസ് കുട്ടി, ജോസ് പാറേട്ട് എന്നിവരടങ്ങിയ ജൂറിയാണ് കോട്ടൂരിനെ തെരെഞ്ഞെടുത്തത്. ഇടയ്ക്കാട്ടു പള്ളിയിൽ നടന്ന ബിഷപ്പ് മാക്കീൽ അനുസ്മരണ സമ്മേളനത്തിൽ അവാർഡ് സമ്മാനിച്ചു.
സിസ്റ്റർ അഭയയെ കൊലപ്പെടുത്തി ജഡം കിണറ്റിലെറിഞ്ഞുവെന്ന കേസിൽ മുഖ്യപ്രതിയാണ് കോട്ടൂർ.കോട്ടയം കിടങ്ങൂരിലെ സമ്പന്നമായ കുടുംബാംഗമാണ് ഫാദർ കോട്ടൂർ .
