ഫ്ളോറിഡ: സൗത്ത് ഫ്ളോറിഡയിലെ പ്രമുഖ മലയാളി സംഘടനയായ നവകേരള മലയാളി അസോസിയേഷന് പ്രവര്ത്തനോത്ഘാടനം വൈവിധ്യമാര്ന്ന പരിപാടികളോടെ സംഘടിപ്പിച്ചു. സണ്റൈസ് സിറ്റി ഹാളില് നടന്ന വര്ണാഭമായ ചടങ്ങില് നവകേരള പ്രസിഡന്റ് ജോബി പൊന്നുംപുരയിടം നിലവിളക്കു കൊളുത്തി ഉത്ഘാടനം നിര്വഹിച്ചു.
ചടങ്ങില് ഫോമാ പി.ആര്.ഒ മാത്യു വര്ഗീസ്, വേള്ഡ് മലയാളി ഫെഡറേഷന് പ്രസിഡന്റ് സാജന് കുര്യന്, കേരളം സമാജം പ്രസിഡന്റ് സാം പാറത്തുണ്ടിയില് , മയാമി മലയാളി അസോസിയേഷന് പ്രസിഡന്റ് ജോസ് തോമസ് , പാം ബീച്ച് മലയാളി അസോസിയേഷന് പ്രസിഡന്റ് ഡോ: ജഗതി നായര്, എസ്.എം.സി.സി. പ്രസിഡന്റ് സാജു വടക്കേല്, ഐ.സി.എ പ്രസിഡന്റ് റോബിന്സ് തുടങ്ങിയവര് പ്രസംഗിച്ചു.