തൃശൂര്‍: തൃശൂരില്‍ പൊലീസ് മര്‍ദ്ദനത്തെ തുടര്‍ന്ന് അറുപതുകാരന്‍ മരിച്ചതായി പരാതി. ചൂണ്ടല്‍ സ്വദേശി നാരായണനാണ്(60) മരിച്ചത്. മകനെ അന്വേഷിച്ച് വന്ന പൊലീസ് അച്ഛനെ അടിക്കുകയായിരുന്നുവെന്ന് കുടുംബം പരാതി നല്‍കി. കുന്നംകുളം പൊലീസ് വീട്ടിലെത്തി ഭീഷണിപ്പെടുത്തുകയും മര്‍ദ്ദിക്കുകയും ചെയ്‌തെന്നാണ് പരാതി. കുന്നംകുളം സിഐയുടെ നേതൃത്തിലുള്ള സംഘമാണ് മര്‍ദ്ദിച്ചതെന്ന് ബന്ധുക്കള്‍.
കഴിഞ്ഞ ദിവസമാണ് ഒരു കേസില്‍ മകനെ അന്വേഷിച്ച് കുന്നംകുളം പൊലീസ് നാരായണന്റെ വീട്ടില്‍ എത്തിയത്. മകനെ കിട്ടാതെ വന്നതോടെ നാരായണനെ പൊലീസ് അസഭ്യം പറയുകയും മര്‍ദ്ദിക്കുകയും ചെയ്തുവെന്ന് വീട്ടുകാര്‍ പറയുന്നു. തുടര്‍ന്ന് അവശ നിലയിലായ ഇയാളെ ആശുപത്രിയില്‍ പ്രവേശിപ്പിക്കുകയായിരുന്നു.
കുന്നംകുളം പൊലീസിനെതിരെ ഉന്നത ഉദ്യോഗസ്ഥര്‍ക്ക് പരാതി നല്‍കാനൊരുങ്ങുകയാണ് വീട്ടുകാര്‍.
