ദുരൂഹസാഹചര്യത്തിൽ കാസർകോട് തൃക്കരിപ്പൂരിൽ നിന്നു കാണാതായവരിൽ ഉൾപ്പെട്ട അബ്ദുൽ റാഷിദ് അബ്ദുല്ലയുമായി യാസ്മിന് അടുത്ത ബന്ധമുണ്ടായിരുന്നുവെന്ന് അന്വേഷണ സംഘത്തിനു വിവരം ലഭിച്ചിരുന്നു. കേരളത്തിൽ കോഴിക്കോട്, കാസർകോട് എന്നിവിടങ്ങളിലായി മാസങ്ങളോളം താമസിച്ചിരുന്ന യാസ്മിൻ, സംസ്ഥാനത്തെ പ്രശസ്ത സ്വകാര്യ സ്കൂളിൽ അധ്യാപികയായി ജോലി ചെയ്തിരുന്നു. തുടർന്നാണ് ഇതേ സ്ഥാപനത്തിൽ ജോലി ചെയ്തിരുന്ന അബ്ദുൽ റാഷിദ് അബ്ദുല്ലയുമായി പരിചയത്തിലായതെന്നു പൊലീസ് പറഞ്ഞു. യാസ്മിന്റെ മൊബൈൽ ഫോണുകളും ലാപ്ടോപ്പും അന്വേഷണ സംഘം പിടിച്ചെടുത്തിരുന്നു.