തൃശ്ശൂര്‍: പൂരത്തിന്റെ ഘടകപൂരത്തിനിടെ മദ്ദള കലാകാരന്‍ കുഴഞ്ഞ് വീണു മരിച്ചു. പാലക്കാട് കോങ്ങാട് സ്വദേശി കുണ്ടളശ്ശേരി കൃഷ്ണന്‍ കുട്ടി നായര്‍(62) ആണ് മരിച്ചത്. കണിമംഗലം ക്ഷേത്രത്തിന്റെ രാത്രി പൂരം എഴുന്നള്ളിപ്പിനിടെ പഞ്ചവാദ്യം അവതരിപ്പിക്കുമ്പോഴായിരുന്നു മരണം.
ബുധനാഴ്ച രാത്രി ഏഴരയ്ക്ക് കുളശ്ശേരി ക്ഷേത്രത്തില്‍ നിന്നു വടക്കുംനാഥ ക്ഷേത്രത്തിലേക്കാണ് പഞ്ചവാദ്യ സംഘം പുറപ്പെട്ടത്. ഇതിനിടെ കൃഷ്ണന്‍ കുട്ടിക്ക് ശാരീരികാസ്വാസ്ഥ്യം അനുഭവപ്പെടുകയായിരുന്നു. ഉടന്‍ ആശുപത്രിയിലെത്തിച്ചെങ്കിലും ജീവന്‍ രക്ഷിക്കാനായില്ല.
