ലണ്ടന്‍: ഐസ് ലന്‍ഡില്‍ ഇന്ത്യന്‍ വംശജരായ കുടുംബം സഞ്ചരിച്ചിരുന്ന വാഹനം അപകടത്തില്‍പ്പെട്ട് മൂന്നു പേര്‍ കൊല്ലപ്പെട്ടു. ബ്രിട്ടനില്‍ താമസമാക്കിയ കുടുംബമാണ് വ്യാഴാഴ്ച അപകടത്തില്‍പ്പെട്ടത്. മരിച്ചവരില്‍ രണ്ടു സ്ത്രീകളും ഒരു കുട്ടിയുമാണ്. രണ്ട് കുട്ടികളുള്‍പ്പെടെ നാല് പേര്‍ക്ക് പരിക്കേറ്റു. ഇവരെ സമീപത്തെ ആശുപത്രിയില്‍ പ്രവേശിപ്പിച്ചു.
അവധി ആഘോഷിക്കുന്നതിനായി ലണ്ടനില്‍നിന്ന് ഐസ് ലന്‍ഡിലേക്കു പോകവെയാണ് കുടുംബം അപകടത്തില്‍പ്പെട്ടത്. ഔ ദ്യോഗിക തിരിച്ചറിയല്‍ നടക്കാത്തതിനാല്‍ മരിച്ചവരുടെ പേരുവിവരങ്ങള്‍ പുറത്തുവിട്ടിട്ടില്ല. ഇവര്‍ മഹാരാഷ്ട്ര സ്വദേശികളാണെന്നാണു സൂചന.
