റോയ് മാത്യു
ഗാന്ധിജി ഓട്ടോ ഇടിച്ചു മരിച്ചതാണെന്ന് ഒടുവിൽ കണ്ടെത്തി.
ഒരു പാട് നാളത്തെ ഗവേഷണങ്ങ ൾക്കും അന്വേഷണങ്ങൾക്കും ശേഷം അക്കാര്യത്തി ൽ ഒരു തീരുമാനമായി. ഗാന്ധിജിയുടെ 150- ജന്മദിനം പ്രമാണിച്ച് ഒറീസയിലെ സർക്കാർ സ്കൂളുകളിൽ കുട്ടികൾക്ക് പഠിക്കാൻ വിതരണം ചെയ്ത ലഘു ഗ്രന്ഥത്തിലാണ് ഗാന്ധിജിക്ക് സംഭവിച്ച അപകട മരണത്തെക്കുറിച്ച് പരാമർശിക്കുന്നത്. 1948 ജനുവരി 30 ന് ഡൽഹിയിലെ ബിർളാ ഹൗസിൽ നടന്ന ചില ആകസ്മികമായ അപകട സംഭവങ്ങളെ തുടർന്നാണ് ഗാന്ധിജിയുടെ അന്ത്യമുണ്ടായതെന്നാണ് കൊച്ചു പുസ്തകത്തിൽ പറയുന്നത് .
കോൺഗ്രസുകാരനും പിന്നീട് സോഷ്യലിസ്റ്റുമായിരുന്ന ബിജു പട്നായിക്കിന്റെ മകൻ നവീൻ പട്നായിക് നേതൃത്വം കൊടുക്കുന്ന സർക്കാരാണ് മഹത്തായ അപകട മരണം കണ്ടു പിടിച്ചത്.
ഇതിനിടയിൽ നമ്മുടെ മന്ത്രി മണിയാശാൻ ശിശു ദിനം പണ്ഡിറ്റ് ജവഹർ ലാൽ നെഹ്റു മരിച്ച സുദിനമാണെന്നും കണ്ടെത്തിക്കഴിഞ്ഞു. വൺ ടു ത്രി മോഡൽ ചരിത്രാഖ്യാനം! ചിറ്റപ്പൻ മന്ത്രിയുടെ മുഹമ്മദാലി മോഡൽ ചരിത്ര വിശകലനം! ഇത്ര മിടുക്കമ്മാരായ ചരിത്ര പണ്ഡിതന്മാരാൽ സുരഭിലമായ കാലത്ത് ജീവിക്കാൻ കഴിഞ്ഞത് തന്നെ ഭാഗ്യം –
ഗോഡ്സെ, ഫകവാന്റെ അവതാരമാണെന്ന് പറഞ്ഞു തുടങ്ങിയത് തന്നെ പുണ്യ കാര്യം. ആ ചൈതന്യത്തെ നമ്മുടെ വീടുകളിലെ തുളസിത്തറകളിൽ കുടിയിരുത്തിക്കഴിഞ്ഞാൽ പിന്നെ വെച്ചടി വെച്ചടി കേറ്റം ….
ഇന്ത്യ ഈസ് എ വെരി വണ്ടർ ഫുൾ കൺട്രി
