ദുബൈ: പ്രമുഖ വ്യവസായിയും ഇന്നോവ റിഫൈനിങ് ആന്‍ഡ് ട്രേഡിങ് എം.ഡിയുമായ വയനാട് മാനന്തവാടി അറക്കല്‍ പാലസില്‍ ജോയി അറക്കല്‍ (54) ദുബൈയില്‍ നിര്യാതനായി.കേരളത്തിലെ ഏറ്റവും വലിയ വീടുകളില്‍ ഒന്നായ അറക്കല്‍ പാലസിെന്‍റ ഉടമയും വിവിധ വ്യവസായ സ്ഥാപനങ്ങളുടെ മേധാവിയുമായിരുന്നു. നിരവധി ജീവകാരുണ്യ സംരംഭങ്ങള്‍ക്കും ഡയാലിസിസ്, ഭവനനിര്‍മാണ പദ്ധതികള്‍ക്കും പിന്തുണ നല്‍കിയിരുന്നു.വന്‍കിട നിക്ഷേപകര്‍ക്ക് യു.എ.ഇ സര്‍ക്കാര്‍ നല്‍കുന്ന ഗോള്‍ഡ് കാര്‍ഡ് വിസയും ലഭിച്ചിരുന്നു. ഭാര്യ: സെലിന്‍ മക്കള്‍: അരുണ്‍, ആഷ്ലി. മൃതദേഹം നാട്ടിലെത്തിച്ച്‌ സംസ്കരിക്കുന്നതിന് നടപടിക്രമങ്ങള്‍ തുടരുന്നതായി ബന്ധുക്കള്‍ അറിയിച്ചു.
