പുതുവൈപ്പിൻ എൽപിജി ടെര്‍മിനലിനെതിരെ നടക്കുന്ന സമരത്തിൽ അറസ്റ്റിലായ സ്ത്രീകൾക്കെതിരെ പോലീസ് ക്രൂരത. കസ്റ്റഡിയിലെടുത്ത് പോലീസ് സ്റ്റേഷനിലെത്തിച്ച സ്ത്രീകളെ പ്രാഥമികാവശ്യങ്ങൾ നിർവഹിക്കാൻ പോലും പോലീസ് സമ്മതിച്ചില്ല. പോലീസ് സ്റ്റേഷനിലെ ശുചിമുറികൾ ഉപയോഗിക്കാൻ ഇവർക്ക് പോലീസ് അനുമതി നൽകിയില്ല.
122 പേരെയാണ് പോലീസ് ഇന്നലെ അറസ്റ്റ് ചെയ്തത്. അതിൽ 87 സ്ത്രീകളാണുള്ളത്. 74 പേരെ കളമശേരി ഏആർ ക്യാമ്പിലേക്കും 48 പേരെ മുനമ്പം പോലീസ് സ്റ്റേഷനിലേക്കുമാണ് മാറ്റിയത്. രണ്ടു കേസുകളാണ് ഞാറക്കൽ പോലീസ് ഇവർക്കെതിരെ റജിസ്റ്റർ ചെയ്തിരിക്കുന്നത്. എന്നാൽ തങ്ങൾക്ക് ജാമ്യം വേണ്ടെന്ന നിലപാടാണ് സ്ത്രീകൾ ഉൾപ്പടെയുള്ളവർ സ്വീകരിച്ചിരിക്കുന്നത്.
