കോഴിക്കോട്: എല്‍ഡിഎഫിന്റെ വാതിലുകള്‍ അടച്ചിട്ടില്ല. വീരേന്ദ്രകുമാര്‍ പുനര്‍ വിചിന്തനം നടത്തി തിരിച്ചു വരണമെന്നും സിപിഐഎം സംസ്ഥാന സെക്രട്ടറി കോടിയേരി ബാലകൃഷ്ണന്‍ ആവശ്യപ്പെട്ടു.വീരേന്ദ്രകുമാര്‍ മടങ്ങി വരുന്നതിനെ സ്വാഗതം ചെയ്യുന്നുവെന്നു സിപിഐ സംസ്ഥാന സെക്രട്ടറി കാനം രാജേന്ദ്രന്‍ പറഞ്ഞു.ബിജെപി ബന്ധത്തിന്റെ പേരില്‍ എംപി സ്ഥാനം രാജിവയ്ക്കാന്‍ എടുത്ത തീരുമാനം സിപിഐഎം സ്വാഗതം ചെയ്യുന്നു. യുഡിഎഫ് നല്‍കിയ എംപി സ്ഥാനം രാജിവയ്ക്കുന്നതും സ്വാഗതാര്‍ഹമാണെന്നും കോടിയേരി പറഞ്ഞു. എല്‍ഡിഎഫ് വിട്ടു പോയ ആര്‍എസ്പിയും ജനതാദള്‍ വീരേന്ദ്ര വിഭാഗവും തിരിച്ചു വരണമെന്നു സിപിഎം നേരത്തെ ആവശ്യപ്പെട്ടതാണ്. വീരേന്ദ്രകുമാര്‍ തീരുമാനം പ്രഖ്യാപിച്ചു കഴിഞ്ഞാല്‍ തുടര്‍ നടപടികളിലേക്കു സിപിഐഎം കടക്കുമെന്നും അദ്ദേഹം പറഞ്ഞു.
യുഡിഎഫിന്റെ പടയൊരുക്കം കഴിയും മുന്‍പ് അവരുടെ ഒരു രാജ്യസഭ എംപി സ്ഥാനം രാജിവയ്ക്കാന്‍ പോകുന്നതു മുന്നണിക്കുള്ളിലെ ചേരിതിരിവിന്റെയും പൊട്ടിത്തെറിയുടെയും ഫലമായാണെന്ന് കോടിയേരി പറഞ്ഞു.
