കൊവിഡ് 19 മൂലം യുഎസ്സില്‍ 24 മണിക്കൂറിനിടെ മരിച്ചത് 4491 പേര്‍. യുഎസ്സിലെ കൊവിഡ് മരണസംഖ്യ 32917 ആയി. ജോണ്‍ ഹോപ്കിന്‍സ് യൂണിവേഴ്‌സിറ്റിയുടെ കണക്കുകളാണ് ഇക്കാര്യം വ്യക്തമാക്കിയത്. ന്യൂയോര്‍ക്ക് നഗരത്തില്‍ പുതുതായി 3778 മരണമാണ് റിപ്പോര്‍ട്ട് ചെയ്തത്. ന്യൂയോര്‍ക്ക് സംസ്ഥാനത്ത് ഇതുവരെ 12,000ത്തിലധികം പേര്‍ മരിച്ചു.
ലോകത്ത് ഏറ്റവുമധികം കൊവിഡ് കേസുകളും മരണങ്ങളും യുഎസ്സിലാണുണ്ടായിരിക്കുന്നത്. 6,67,800 കൊവിഡ് പോസിറ്റീവ് കേസുകളാണ് യുഎസില്‍ ഇതുവരെ റിപ്പോര്‍ട്ട് ചെയ്തിരിക്കുന്നത്. ഇറ്റലിയില്‍ 22170 പേരാണ് ഇതുവരെ മരിച്ചത്. സ്‌പെയിനില്‍ 19130 പേരും ഫ്രാന്‍സില്‍ 17920 പേരും കൊവിഡ് മൂലം മരിച്ചു.
ഓരോ സംസ്ഥാനങ്ങളിലും അവിടങ്ങളിലെ സാഹചര്യങ്ങള്‍ പരിഗണിച്ചുകൊണ്ട് ലോക്ക് ഡൗണില്‍ ഇളവുകള്‍ നല്‍കാന്‍ ഗവര്‍ണര്‍മാക്ക് പ്രസിഡന്റ് ഡോണള്‍ഡ് ട്രംപ് നിര്‍ദ്ദേശം നല്‍കി. മൂന്ന് ഘട്ടമായി ലോക്ക് ഡൗണില്‍ ഇളവുകള്‍ നല്‍കാനാണ് ട്രംപ് ആവശ്യപ്പെട്ടിരിക്കുന്നത്.
