കൊച്ചി: വിദഗ്ധ ചികിത്സയ്ക്കായി ലക്ഷദ്വീപില്‍ നിന്നും കൊച്ചിയിലെത്തിച്ച നവജാതശിശു മരിച്ചു. ഒരു ദിവസം പ്രായമായ കുഞ്ഞിനെ ഉച്ചയോടെയാണ് ഹെലികോപ്റ്ററില്‍ കൊച്ചിയില്‍ എത്തിച്ചത്. ലിസി ആശുപത്രിയിലേക്കുളള യാത്രാമധ്യേ കുട്ടിയുടെ നില വഷളായിരുന്നു. ഐസിയുവില്‍ പ്രവേശിപ്പിച്ചെങ്കിലും ജീവന്‍ രക്ഷിക്കാനായില്ല.
ഹൃദയത്തില്‍ നിന്ന് പുറത്തേക്ക് വരുന്ന രക്തത്തില്‍ അശുദ്ധരക്തവും കലരുന്നതാണ് കുട്ടിയുടെ അസുഖം. അടിയന്തര ശസ്ത്രക്രിയ ആവശ്യമായതിനാല്‍ ലക്ഷദ്വീപ് അഡ്മിനിസ്‌ടേഷന്റെ ഹെലികോപ്റ്ററില്‍ കുട്ടിയെ കൊച്ചിയില്‍ എത്തിക്കുകയായിരുന്നു.
