തിരുവനന്തപുരം: സംസ്ഥാനത്ത് മദ്യം ഹോം ഡെലിവറിയായി നൽകുന്നത് തൽക്കാലമില്ലെന്നു എക്സൈസ് – തദ്ദേശ സ്വയംഭരണ വകുപ്പ് മന്ത്രി എം വി ഗോവിന്ദന്. മദ്യവിതരണത്തിന് ആപ്പ് വഴിയുള്ള ബുക്കിങ് സംവിധാനം തിരിച്ചുകൊണ്ടുവരാനാണ് ആലോചിക്കുന്നതെന്നും മന്ത്രി പറഞ്ഞു. ഇക്കാര്യത്തില് ബെവ്കോ എം ഡിയുമായി എക്സൈസ് മന്ത്രി ചര്ച്ച നടത്തി. ഒരാൾക്ക് ഒരാളുടെ കൈവശം വയ്ക്കാവുന്ന മദ്യത്തിന്റെ അളവ് മൂന്നു ലിറ്ററാണ്. ഓണ്ലൈന് വഴി വിതരണം ചെയ്യാന് തീരുമാനിച്ചാല് വിതരണം നടത്തുന്ന ഹോം ഡെലവറി ബോയിക്ക് ഇതില് കൂടുതല് അളവ് മദ്യം കൈവശം വയ്ക്കേണ്ടിവരും. ഇതിനായി ഭേദഗതി കൊണ്ടുവരണം. മദ്യത്തിന്റെ കാര്യമായതിനാല് മന്ത്രിസഭായോഗമായിരിക്കും അന്തിമ തീരുമാനം എടുക്കേണ്ടത്.