കൊച്ചി: അഭിനയ പ്രതിഭാസം നെടമുടി വേണുവിന്റെ വിയോഗത്തില് അനുശോചനം അറിയിച്ച് നടന് മോഹന്ലാല്. വ്യക്തിപരമായി തന്നെ ഏറ്റവും വലിയ വേദനയാണ് നെടുമുടി വേണുവിന്റെ വിയോഗമെന്ന് മോഹന്ലാല് പറഞ്ഞു.
എത്ര സിനിമകളില് ഒന്നിച്ചു ഞങ്ങള്. മലയാളം നെഞ്ചോടുചേര്ത്ത എത്ര വൈകാരിക സന്ദര്ഭങ്ങള് ഒന്നിച്ചുസമ്മാനിക്കാനായി ഞങ്ങള്ക്ക്. ആഴത്തിലുള്ള വായനയും അതിലൂടെ നേടിയ അറിവും കൊണ്ട്, തുല്യം വെക്കാനില്ലാത്ത വ്യക്തിത്വമായി മാറിയ എന്റെ വേണു ചേട്ടന് ഔപചാരികമായ ഒരു ആദരാഞ്ജലി നല്കാന് ആവുന്നില്ല എന്നും മോഹന്ലാല് തന്റെ ഫേസ്ബുക്കില് കുറിച്ചു.
ഫേസ്ബുക്ക് പോസ്റ്റിന്റെ പൂര്ണരൂപം;
‘അരനൂറ്റാണ്ടുകാലം മലയാളസിനിമയുടെ ആത്മാവായി നിലകൊണ്ട് പ്രിയപ്പെട്ട വേണുച്ചേട്ടന് നമ്മെ വിട്ടുപിരിഞ്ഞു. നാടക അരങ്ങുകളില് നിന്നു തുടങ്ങി സ്വാഭാവിക അഭിനയത്തിന്റെ ഹിമാലയശൃംഗം കീഴടക്കിയ ആ മഹാപ്രതിഭയുടെ വേര്പാട് മലയാളത്തിന്റെ ഏറ്റവും വലിയ നഷ്ടങ്ങളിലൊന്നാണ് . വ്യക്തിപരമായി എനിക്കതൊരു വലിയ വേദനയും. ഒരു ജേഷ്ഠസഹോദരനെപ്പോലെ, ചേര്ത്തുപിടിച്ച വാത്സല്യമായിരുന്നു വേണുച്ചേട്ടന് എനിക്ക്. എത്ര സിനിമകളില് ഒന്നിച്ചു ഞങ്ങള്. മലയാളം നെഞ്ചോടുചേര്ത്ത എത്ര വൈകാരിക സന്ദര്ഭങ്ങള് ഒന്നിച്ചുസമ്മാനിക്കാനായി ഞങ്ങള്ക്ക്. ആഴത്തിലുള്ള വായനയും അതിലൂടെ നേടിയ അറിവും കൊണ്ട്, തുല്യം വെക്കാനില്ലാത്ത വ്യക്തിത്വമായി മാറിയ എന്റെ വേണു ചേട്ടന് ഔപചാരികമായ ഒരു ആദരാഞ്ജലി നല്കാന് ആവുന്നില്ല. കലയുടെ തറവാട്ടിലെ ഹിസ് ഹൈനസ് ആയ ആ വലിയ മനസ്സിന്റെ സ്നേഹച്ചൂട് ഹൃദയത്തില് നിന്ന് ഒരിക്കലും മായില്ല’…