മുക്കം: മന്ത്രി ഉദ്ഘാടനം കഴിഞ്ഞ് പോയതിനു പുറകെ തടയണയും തകര്‍ന്നു. മുക്കം കാരശ്ശേരി പഞ്ചായത്തില്‍ കല്‍പ്പൂരില്‍ലാണ് ഉദ്ഘാടനം കഴിഞ്ഞ തടയണ ഒറ്റ ദിവസം കൊണ്ട് തകര്‍ന്നത്. ഹരിതകേരളം മിഷന്‍ ഒന്നാം വാര്‍ഷികാഘോഷത്തോട് അനുബന്ധിച്ച് കഴിഞ്ഞ ദിവസമാണ്
മന്ത്രി മാത്യൂ ടി. തോമസ് തടയണ ഉദ്ഘാടനം ചെയ്തത്.
വേനല്‍ക്കാലത്ത് കൃഷി, ജലസേചനം, കുടിവെള്ളം തുടങ്ങിയ ആവശ്യങ്ങള്‍ക്കു വെള്ളം കണ്ടെത്തുകയെന്ന ലക്ഷ്യത്തോടെ ജില്ലാ ഭരണകൂടത്തിന്റ ആഭിമുഖ്യത്തില്‍ ജലസംരക്ഷണ മഹായജ്ഞത്തിന്റെ ഭാഗമായിണ് പദ്ധതി നടപ്പാക്കിയത്.
