കൊച്ചി: നടിയെ ആക്രമിച്ച കേസില് ജയിലില് കഴിഞ്ഞിരുന്ന സമയത്ത് നടന് ദിലീപിനെ കാണാന് സന്ദര്ശകരെ അനുവദിച്ചതില് ഗുരുതര ചട്ടലംഘനം നടന്നുവെന്നും ആലുവ സബ് ജയിലിലെ ക്യാമറകള് പ്രവര്ത്തിക്കുന്നില്ലെന്നും ആരോപിച്ച് നല്കിയ ഹര്ജി ഹൈക്കോടതി തള്ളി.
ദിലീപിന് ജയിലില് സന്ദര്ശകരെ അനുവദിച്ചതില് ഗുരുതര ചട്ടലംഘനം നടന്നുവെന്നായിരുന്നു ഹര്ജിക്കാരിയുടെ ആരോപണം. വിവരാവകാശ പ്രകാരം ലഭിച്ച ജയില് രേഖകളില് ഇവ വ്യക്തമായിരുന്നു.
നടന് സിദ്ദിഖില് നിന്ന് അപേക്ഷ പോലും വാങ്ങാതെയാണ് ദിലീപിനെ സന്ദര്ശിക്കാന് അനുമതി നല്കിയതെന്നും കേസുമായി ബന്ധപ്പെട്ട കാര്യങ്ങള് ചര്ച്ച ചെയ്യാനാണ് സിനിമാപ്രവര്ത്തകര് ജയിലില് എത്തിയതെന്നും സന്ദര്ശക രേഖയില് ചൂണ്ടിക്കാട്ടുന്നുണ്ട്. നടനും എം.എല്.എയുമായ കെ.ബി ഗണേഷ്കുമാര് ജയിലില് എത്തിയതും കേസുമായി ബന്ധപ്പെട്ടുള്ള കാര്യങ്ങള് ചര്ച്ച ചെയ്യാനാണ്. ജയില് ഡി.ജി.പിയുടെ ശുപാര്ശ പ്രകാരം ജയില് സുപ്രണ്ടിന്റെ വിവേചനാധികാരം ഉപയോഗിച്ചാണ് ഇവര്ക്കെല്ലാം സന്ദര്ശന അനുമതി നല്കിയത്.