Home Cover story ലോക സാമ്പത്തിക ഫോറത്തിൽ ഇന്ത്യയിലെ സാമ്പത്തിക അസന്തുലിതാവസ്ഥ സംബന്ധിച്ച് സംസാരിക്കണമെന്ന് മോദിയോട് ആവശ്യപ്പെട്ട് രാഹുൽ ഗാന്ധി
ന്യൂഡൽഹി: ദാവോസിലെ ലോക സാമ്പത്തിക ഫോറത്തിൽ ഇന്ത്യയിലെ സാമ്പത്തിക അസന്തുലിതാവസ്ഥ സംബന്ധിച്ച് സംസാരിക്കണമെന്ന് പ്രധാനമന്ത്രി നരേന്ദ്ര മോദിയോട് ആവശ്യപ്പെട്ട് രാഹുൽ ഗാന്ധി. ട്വിറ്ററിലൂടെയാണ് കോൺഗ്രസ് അധ്യക്ഷൻ ഇക്കാര്യം ആവശ്യപ്പെട്ടത്.
സ്വിറ്റ്സർലൻഡിലേക്ക് പ്രധാനമന്ത്രിക്ക് സ്വാഗതം. എന്തുകൊണ്ടാണ് ജനസംഖ്യയിലെ ഒരു ശതമാനത്തിന്‍റെ കൈകളിൽ രാജ്യത്തിന്‍റെ സമ്പത്തിന്‍റെ 73 ശതമാനവും എത്തപ്പെട്ടെന്ന് ദാവോസിൽ ദയവായി പറയണമെന്ന് രാഹുൽ ആവശ്യപ്പെട്ടു. സംശയനിവാരണത്തിനായി ഒരു റിപ്പോർട്ടും ഇതിനൊപ്പം ചേർത്തിട്ടുണ്ടെന്നും രാഹുൽ പറഞ്ഞു.
ഓക്സ്ഫാം എന്ന സന്നദ്ധ സംഘടന പ്രസിദ്ധീകരിച്ച വാർഷിക സർവേയിലെ കണ്ടെത്തലുകളെ ഉദ്ധരിച്ചാണ് രാഹുൽ പ്രധാനമന്ത്രിക്കെതിരെ വിമർശം ഉന്നയിച്ചത്. ഓക്സ്ഫാം സർവേയുടെ റിപ്പോർട്ടും ട്വീറ്റിനൊപ്പം രാഹുൽ ചേർത്തിട്ടുണ്ട്.
